ഇന്തോനേഷ്യയിൽ വൻ ഭൂചലനം ; സുനാമി മുന്നറിയിപ്പ്

കിഴക്കൻ ഇന്തോനേഷ്യയിൽ വൻ ഭൂചലനം. റിക്ടർ സ്‌കെയിലിൽ 7.36 തീവ്രത രേഖപ്പെടുത്തിയതായി യു.എസ് ജിയോളജിക്കൽ സർവേ അറിയിച്ചു. ഇന്തോനേഷ്യയിലെ ഫ്‌ളോറസ് ദ്വീപിൽ മൗമെറിനു വടക്ക് 91 കിലോമീറ്റർ അകലെയാണ് ഭൂചലനം ഉണ്ടായത്. ചൊവ്വാഴ്ച പ്രാദേശിക സമയം രാവിലെ 11:20 ന് ഫ്‌ലോറസ് കടലിൽ 76 കിലോമീറ്റർ (47 മൈൽ) ആഴത്തിലാണ് ഭൂചലനം ഉണ്ടായതെന്ന് അധികൃതർ അറിയിച്ചു.ഭൂകമ്പത്തിന്റെ പ്രഭവകേന്ദ്രത്തിന്റെ 1,000 കിലോമീറ്റർ ചുറ്റളവിൽ സ്ഥിതി ചെയ്യുന്ന തീരങ്ങളിൽ അപകടകരമായ സുനാമി തിരമാലകൾ ഉണ്ടാകാൻ സാധ്യതയുണ്ടെന്നും മുന്നറിയിപ്പ് നൽകി