ഗസ്സ: ഇസ്രായേലിന്‍റെ വെടിനിർത്തൽ ലംഘനം തുടരുന്നതിനിടെ കെയ്റോയിൽ രണ്ടാം വട്ട ചർച്ചകൾ തുടങ്ങി

തെൽ അവിവ്: ഗസ്സയിൽ ഇസ്രായേലിന്‍റെ വെടിനിർത്തൽ ലംഘനം തുടരുന്നതിനിടെ കെയ്റോയിൽ രണ്ടാം വട്ട ചർച്ചകൾ തുടങ്ങി. ഒരു ബന്ദിയുടെ കൂടി മൃതദേഹം ഹമാസ്​ ഇസ്രായേലിന്​ കൈമാറി. ഗസ്സയിലേക്ക്​ കൂടുതൽ സഹായം ഉറപ്പാക്കാൻ വൈകരുതെന്ന്​ ഇസ്രായേലിനോട്​ യു.എൻ ആവശ്യപ്പെട്ടു.

വെടിനിർത്തൽ കരാറിന്‍റെ രണ്ടാംഘട്ടം സംബന്​ധിച്ച ​പ്രാഥമിക ചർച്ചകളാണ്​ ഇന്ന​ലെ കെയ്റോയിൽ ചേർന്ന ​യോഗത്തിൽ ഉണ്ടായത്​. മധ്യസ്ഥ രാജ്യങ്ങളായ ഖത്തർ, ഈജിപ്ത്​, തുർക്കി എന്നിവക്കു പുറമെ യുഎസ്​ പ്രതിനിധികളും ചർച്ചയിൽ സംബന്ധിച്ചു. ഹമാസ്​ സഘവുമായി കഴിഞ്ഞ ദിവസങ്ങളിൽ നടത്തിയ ചർച്ചയുടെ വിശദാംശങ്ങൾ ഈജിപ്​ത്​ സംഘം യോഗ​ത്തെ ധരിപ്പിച്ചു. ഒക്​​ടോബർ പത്തിന്​ നിലവിൽ വന്ന വെടിനിർത്തൽ കരാറിന്‍റെ ആദ്യഘട്ടം സംബന്ധിച്ചും മധ്യസ്ഥ രാജ്യങ്ങളും അ​മേരിക്കയും വിലയിരുത്തി.

അന്താരാഷ്ട്രസേനയു​ടെ വിന്യാസം, യുദ്ധാനന്തര ഗസ്സയു​ടെ ഭരണം, ഹമാസി​ന്‍റെ നിരായുധീകരണം എന്നിവയും കെയ്റോ യോഗം ചർച്ച ചെയ്തതായി ഈജിപ്ത്​ മാധ്യമങ്ങൾ റിപ്പോർട്ട്​ ചെയ്തു. ഇന്ന​ലെ രാ​ത്രി ഒരു ബന്ദിയു​ടെ മൃതദേഹം കൂടി ഹമാസ്​ ഇ​​സ്രാ​യേലിന്​ കൈമാറി.ഇനി രണ്ട്​ മൃത​ദേഹങ്ങൾ മാത്രമാണ്​ കണ്ടെത്തി കൈമാറാനുള്ളത്​. ബന്ദികളുടെ മൃ​തദേഹങ്ങൾ കൈമാറാൻ വൈകുന്നതും ഹമാസ് പോരാളികളുടെ​ ഇടപെടലുമാണ്​ വെടിനിർത്തൽ ലംഘനത്തിന്​ തങ്ങളെ പ്രേരിപ്പിക്കുന്നതെന്ന്​ ഇ​സ്രായേൽ പ്രധാനമന്ത്രി ബിന്യാമിൻ ​നെതന്യാഹു പ്രതികരിച്ചു.

വെടിനിർത്തൽ ഒന്നര മാസം പിന്നിട്ടിട്ടും ഗസ്സയിലേക്ക്​ ആവശ്യത്തിന്​ സഹായം എത്താതിരിക്കുന്നതിൽ ​ഐക്യരാഷ്​​ട്ര സംഘടന ആശങ്ക ​രേഖപ്പെടുത്തി. അതിർത്തികൾ തുറന്ന്​ പരമാവധി സഹായം ഗസ്സയിൽ ലഭ്യമാക്കണമെന്നും ഐക്യരാഷ്ട്ര സംഘടന ഇസ്രയേലി​നോട്​ ആവശ്യപ്പെട്ടു. അതിനിടെ, ഇ​സ്രാ​യേ​ൽ വ്യോ​മാ​ക്ര​മ​ണ​ത്തി​ൽ കൊ​ല്ല​പ്പെ​ട്ട ഹി​സ്ബു​ല്ല​യു​ടെ മു​തി​ർ​ന്ന സൈ​നി​ക ക​മാ​ൻ​ഡ​ർ ഹൈ​തം ത​ബ്ത​ബാ​ഇ​യു​ടെ സം​സ്കാ​ര​ച​ട​ങ്ങി​ൽ ആ​യി​ര​ങ്ങ​ൾ പ​ങ്കെടുത്തു. കൊ​ല്ല​പ്പെ​ട്ട മ​റ്റു ര​ണ്ടു ഹി​സ്ബു​ല്ല അം​ഗ​ങ്ങ​ളു​ടെ​യും മൃ​ത​ദേ​ഹ​ങ്ങ​ൾ ബൈ​റൂ​ത്തി​ന്റെ തെ​ക്ക​ൻ പ്രാ​ന്ത​പ്ര​ദേ​ശ​ത്ത് ഖ​ബ​റ​ട​ക്കി.ഞാ​യ​റാ​ഴ്ച ല​ബ​നാ​ൻ ത​ല​സ്ഥാ​ന​മാ​യ ബൈ​റൂ​ത്തി​ൽ ഇ​സ്രാ​യേ​ൽ ന​ട​ത്തി​യ വ്യോ​മാ​ക്ര​മ​ണ​ത്തി​ലാ​ണ് ത​ബ്ത​ബാ​ഇ കൊ​ല്ല​പ്പെ​ട്ട​ത്.