ഗസ്സയുടെ കവിത - ഞാൻ മരിക്കേണ്ടി വന്നാൽ (If I Must Die)

​ഞാൻ മരിച്ചാൽ,

നിങ്ങൾ തീർച്ചയായും ഇവിടെ പാർക്കണം,

എൻ്റെ കഥകൾ ലോകത്തോടു ചേർക്കണം.

എൻ്റെ സാധനങ്ങളെല്ലാം വിറ്റൊരു തുക തേടണം,

അതിലൊരു വെൺതുണിയും നൂലുകളും വാങ്ങണം.

​(അതു വെളുത്തിട്ട്, നീണ്ടൊരു വാലുള്ളതെങ്കിൽ നന്ന്),

എന്തിനെന്നാൽ,

ഗസ്സയിൽ എൻ്റെ കുഞ്ഞുമോൻ കാത്തിടുമ്പോൾ,

ആകാശത്തു കണ്ണുനട്ട്, പെട്ടെന്ന് മറഞ്ഞുപോയ്

ശരീരം വിട്ട്, തീനാളത്തിൽ കരിഞ്ഞുപോയ

തൻ്റെ ഉപ്പയെത്തന്നെ അവൻ തേടുമ്പോൾ,

​നിങ്ങൾ ഉണ്ടാക്കിയ എൻ്റെ പട്ടം അവൻ കാണട്ടെ,

അത് മാനത്തേറ്റം ഉയർന്ന് മെല്ലെ പാറട്ടെ.

ആ നിമിഷം, സ്നേഹം തിരികെ ഒരു മാലാഖ കൊണ്ടുവരുന്നു എന്ന്,

അവനൊന്ന് മനസ്സിൽ ആഴത്തിൽ വിശ്വസിക്കട്ടെ.

​ഞാൻ മരിക്കേണ്ടി വന്നാൽ,

ആ പട്ടം ഒരു പ്രത്യാശയായ് ഇവിടെ നിലനിൽക്കട്ടെ,

അതൊരു കഥയായ് ഇവിടെ അവശേഷിക്കട്ടെ

കവി: ഡോ. റിഫ്അത് അൽ അർഈർ

​വിവർത്തനം: ഡോ. ഹഫീദ് നദ്‌വി

ഡോ. റിഫ്അത് അൽ അർഈർ

ഡോ. ഹഫീദ് നദ്‌വി