പ്രതീകാത്മക ചിത്രം
സിംഗപ്പൂരില് കോളേജ് വിദ്യാര്ഥിനിയെ ബലാത്സംഗം ചെയ്ത ഇന്ത്യന് യുവാവിന് 16 വര്ഷം തടവ്
|2019 മേയ് 4നാണ് സംഭവം
സിംഗപ്പൂര്: 2019ൽ യൂണിവേഴ്സിറ്റി വിദ്യാർഥിനിയെ ബലാത്സംഗം ചെയ്ത കേസിൽ ഇന്ത്യന് യുവാവിന് (26) 16 വര്ഷം തടവും 12 ചൂരല് അടിയും ശിക്ഷ വിധിച്ചു. തട്ടിക്കൊണ്ടുപോകൽ, മോഷണം എന്നീ കുറ്റങ്ങളും ശിക്ഷാവിധിക്കായി പരിഗണിച്ചു.
2019 മേയ് 4നാണ് സംഭവം. സിംഗപ്പൂരില് ക്ലീനറായി ജോലി ചെയ്യുന്ന ചിന്നയ്യയാണ് പ്രതി. വിദ്യാര്ഥിനി രാത്രി വൈകി ബസ് സ്റ്റോപ്പിലേക്ക് നടക്കുമ്പോള് പിന്തുടര്ന്ന് ഇയാള് തെറ്റായി വഴി കാണിക്കുകയും മര്ദ്ദിക്കുകയും വനപ്രദേശത്തേക്ക് വലിച്ചിഴ്ച്ച ബലാത്സംഗം ചെയ്യുകയുമായിരുന്നെന്ന് ദി ടുഡേ പത്രം റിപ്പോര്ട്ട് ചെയ്യുന്നു. മുഖത്ത് ചതവുകളും മറ്റ് മുറിവുകളും മൂലം ഗുരുതരമായി പരിക്കേറ്റ യുവതിയെ ആശുപത്രിയിൽ സന്ദർശിച്ചപ്പോൾ കാമുകന് പോലും തിരിച്ചറിയാന് സാധിച്ചില്ല. ചിന്നയ്യയുടെ മാനസികാവസ്ഥയ്ക്ക് നിരവധി തവണ മനശാസ്ത്രപരമായ വിലയിരുത്തൽ ആവശ്യമായി വന്നതാണ് കേസിലെത്താൻ നാല് വർഷമെടുത്തതെന്ന് കോടതി പറഞ്ഞു.
ചിന്നയ്യ വിദ്യാർത്ഥിനിയെ ലൈംഗികമായി പീഡിപ്പിക്കുമ്പോൾ ശ്വാസം കിട്ടാതെ പിടഞ്ഞതായി ഡെപ്യൂട്ടി പബ്ലിക് പ്രോസിക്യൂട്ടർ (ഡിപിപി) കായൽ പിള്ള പറഞ്ഞു.എന്നാല് ചിന്നയ്യ പിടിമുറുക്കുകയും വിദ്യാര്ഥിനിയെ കൂടുതല് ശ്വാസം മുട്ടിക്കുകയും ചെയ്തു. ഒച്ച വയ്ക്കരുതെന്നും ഒച്ച വച്ചാലും ആരും കേള്ക്കില്ലെന്ന് പറഞ്ഞും ഭീഷണിപ്പെടുത്തി. അതിക്രമത്തിനു ശേഷം യുവതി സുഹൃത്തിനെ വിളിച്ച് പൊലീസിനെ വിവരമറിയിക്കുകയായിരുന്നു. പൊലീസ് എത്തിയ ശേഷം, വിദ്യാർത്ഥിനിയെ വൈദ്യ പരിശോധനയ്ക്കായി ആശുപത്രിയിലേക്ക് കൊണ്ടുപോയി, അവിടെ അവളുടെ കഴുത്തിൽ കഴുത്ത് ഞെരിച്ച പാടുകൾ ഉൾപ്പെടെ ഒന്നിലധികം പോറലുകൾ, ചതവുകൾ, പോറലുകൾ എന്നിവ കണ്ടതായി ഡിപിപി പറഞ്ഞു. 2019 മേയ് 5നാണ് ചിന്നയ്യ അറസ്റ്റിലാകുന്നത്.