യുഎസുമായുള്ള വ്യാപാര കരാർ ഇന്ത്യയെ ഡാറ്റ കോളനിയാക്കി മാറ്റും: രാഹുൽ ഗാന്ധി

ന്യൂഡല്‍ഹി: ഇ​ള​വു​ക​ൾ അ​ങ്ങോ​ട്ട് കൊ​ടു​ത്ത് ഇ​ങ്ങോ​ട്ട് ഇ​ന്ത്യ​ക്ക് യാ​തൊ​രു നേ​ട്ട​വു​മി​ല്ലാ​ത്ത വ്യാ​പാ​ര ക​രാ​റി​ന് അ​മേ​രി​ക്ക​ക്ക് മു​ന്നി​ൽ പ്ര​ധാ​ന​മ​ന്ത്രി മു​ട്ടു​മ​ട​ക്കി​യ​ത് സ​മ്മ​ർ​ദം മൂ​ല​മാ​ണെ​ന്ന് കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി. ഈ ​വ്യാ​പാ​ര ക​രാ​ർ ഇ​ന്ത്യ​യെ ഡേ​റ്റ കോ​ള​നി​യാ​ക്കി മാ​റ്റു​മെ​ന്ന് സ​മൂ​ഹ​മാ​ധ്യ​മ​മാ​യ എ​ക്‌​സി​ലെ പോ​സ്റ്റി​ൽ അ​ദ്ദേ​ഹം മു​ന്ന​റി​യി​പ്പ് ന​ൽ​കി.

ക​രാ​റി​ലൂ​ടെ രാ​ജ്യ​ത്തെ വി​റ്റു തു​ല​യ്ക്കു​ക​യാ​ണെ​ന്ന, ത​ന്റെ പാ​ർ​ല​മെ​ന്‍റ് പ്ര​സം​ഗ​ത്തി​ന്‍റെ വീ​ഡി​യോ​യും അ​ദ്ദേ​ഹം പ​ങ്കു​വെ​ച്ചു. അ​മേ​രി​ക്ക​യെ സ​ന്തോ​ഷി​പ്പി​ക്കാ​ൻ ന​മ്മു​ടെ ക​ർ​ഷ​ക​രു​ടെ താ​ൽ​പ​ര്യ​ങ്ങ​ൾ ബ​ലി ക​ഴി​ച്ച​തും ന​മ്മ​ൾ ഇ​ന്ധ​നം വാ​ങ്ങു​ന്ന കാ​ര്യം തീ​രു​മാ​നി​ക്കാ​ൻ അ​മേ​രി​ക്ക​യെ അ​നു​വ​ദി​ച്ച​തും എ​ന്തി​നാ​ണെ​ന്ന് അ​ദ്ദേ​ഹം ചോ​ദി​ച്ചു. അ​മേ​രി​ക്ക​യി​ൽ​നി​ന്നു​ള്ള ഇ​റ​ക്കു​മ​തി വ​ർ​ഷം തോ​റും 100 ശ​ത​കോ​ടി ഡോ​ള​ർ ആ​ക്കി ഉ​യ​ർ​ത്താ​ൻ സ​മ്മ​തി​ച്ച​പ്പോ​ൾ തി​രി​ച്ച് ന​മു​ക്കെ​ന്ത് ഗു​ണ​മാ​ണ് ല​ഭി​ക്കു​ക​യെ​ന്നും അ​ദ്ദേ​ഹം ചോ​ദി​ച്ചു.

"വ്യാപാര കരാറിനെക്കുറിച്ചുള്ള പാർലമെന്റ് പ്രസംഗത്തിൽ ഞാൻ എന്തിനാണ് ജിയു-ജിറ്റ്‌സു (Jiu-Jitsu) ഉപമ ഉപയോഗിച്ചത്? അമേരിക്കക്കാരെ പ്രീണിപ്പിക്കാൻ നമ്മുടെ കർഷകർ എന്തിനാണ് ബലിയാടാക്കപ്പെട്ടത്? എണ്ണ വിതരണത്തിൽ അമേരിക്കയുടെ നിർദ്ദേശങ്ങൾ പാലിക്കാൻ അനുവാദം നൽകിക്കൊണ്ട് ഇന്ത്യയുടെ ഊർജ്ജ സുരക്ഷയിൽ എന്തിനാണ് വിട്ടുവീഴ്ച ചെയ്തത്?"

"പരസ്പരമുള്ള ഉറപ്പുകളൊന്നുമില്ലാതെ അമേരിക്കയിൽ നിന്നുള്ള ഇറക്കുമതി പ്രതിവർഷം 100 ബില്യൺ ഡോളർ വർദ്ധിപ്പിക്കാൻ എന്തിനാണ് സമ്മതിച്ചത്? ഈ കരാർ ഇന്ത്യയെ ഒരു 'ഡാറ്റാ കോളനി'യാക്കി മാറ്റുമെന്ന് ഞാൻ എന്തുകൊണ്ടാണ് പറഞ്ഞത്? ഇന്ത്യ ഇത്രയധികം വിട്ടുകൊടുക്കുകയും എന്നാൽ തിരിച്ച് വളരെക്കുറച്ച് മാത്രം ലഭിക്കുകയും ചെയ്യുന്ന ഇത്തരമൊരു കരാറിന് മോദിജി എന്തിനാണ് സമ്മതിച്ചത്? ഈ നിരുപാധികമായ കീഴടങ്ങലിന്റെ ഉത്തരം പ്രധാനമന്ത്രിക്ക് മേൽ പ്രയോഗിക്കപ്പെട്ടിരിക്കുന്ന സമ്മര്‍ദവും പിടിമുറുക്കവുമാണ് ഒളിഞ്ഞിരിക്കുന്നത്''- എക്സില്‍ പങ്കുവെച്ച കുറിപ്പില്‍ രാഹുല്‍ ഗാന്ധി പറഞ്ഞു.

"ഏറ്റവും പ്രധാനപ്പെട്ട കാര്യം ഡാറ്റയാണ്. നമ്മുടെ ഡാറ്റ നരേന്ദ്ര മോദി തുച്ഛമായ വിലയ്ക്ക് അമേരിക്കൻ കമ്പനികൾക്കും യുണൈറ്റഡ് സ്റ്റേറ്റ്സിനും കൈമാറുന്നു എന്നതാണ് സത്യം. എന്റെ വാക്കുകൾ കുറിച്ചുവെച്ചോളൂ, നമ്മൾ ഒരു 'ഡാറ്റാ കോളനി'യായി മാറാൻ പോകുകയാണ്. ഇന്ത്യയെപ്പോലെ ഇത്രയും വലിയൊരു രാജ്യം നമ്മുടെ ഡാറ്റയും ടെക്സ്റ്റൈൽ വ്യവസായവും കാർഷിക മേഖലയും ഉൾപ്പെടെയുള്ള സർവ്വതും എന്തിനുവേണ്ടിയാണ് വിട്ടുകൊടുത്തത്?''- രാഹുല്‍ ഗാന്ധി ചോദിച്ചു.