വാകപ്പൂ വിതറിയ മേലാറ്റൂര്‍ റെയല്‍വെ സ്റ്റേഷന്റെ ചിത്രം പങ്കുവെച്ച് കേന്ദ്രമന്ത്രി പിയൂഷ് ഗോയലും

മലപ്പുറം ജില്ലയിലെ മേലാറ്റൂര്‍ റെയില്‍വെ സ്റ്റേഷന്റെ ചിത്രം സമൂഹമാധ്യമങ്ങളില്‍ തരംഗമാവാന്‍ തുടങ്ങിയിട്ട് കുറച്ച് ദിവസമായി. വാകപ്പൂ വിതറിയ റെയില്‍വെ പ്ലാറ്റ്‌ഫോമിന്റെ അതിമനോഹര ഭംഗിയാണ് സമൂഹമാധ്യമങ്ങളില്‍ ഈ കൊച്ചു റെയില്‍വെ സ്റ്റേഷനെ തരംഗമാക്കിയത്. മലപ്പുറം ജില്ലാ കളക്ടറാണ് ഷൊര്‍ണൂര്‍-നിലമ്പൂര്‍ പാതയിലെ സ്റ്റേഷനുകളിലൊന്നായ മേലാറ്റൂരിന്റെ ഈ ഭംഗി പുറത്തെത്തിച്ചത്. ഇപ്പോഴിതാ കേന്ദ്രറെയില്‍വെ മന്ത്രിയും മേലാറ്റൂര്‍ റെയില്‍വെ സ്റ്റേഷന്റെ ലോക്ഡൗണ്‍ കാല മനോഹാരിത പങ്കുവെച്ചിരിക്കുന്നു. പ്രകൃതിയുടെ സൗന്ദര്യം എന്ന അടിക്കുറിപ്പോടെയാണ് കേന്ദ്രമന്ത്രി ട്വിറ്ററിലും ഫേസ്ബുക്കിലും ചിത്രങ്ങള്‍ പങ്കുവെച്ചത്.

മേലാറ്റൂര്‍ റെയില്‍വെ സ്റ്റേഷന്റെ ചിത്രങ്ങള്‍

Beauty of Mother Nature: Sprinkled with beautiful flowers, the scenic Shoranur-Nilambur Railway Section in Kerala looks straight out of a storybook. pic.twitter.com/OWPrEl6Amc

— Piyush Goyal (@PiyushGoyal) May 18, 2020