പാമ്പ് കടിയേറ്റ് യുവതി മരിച്ച സംഭവത്തില് ദുരൂഹത: അന്വേഷണം തുടരുന്നു
അടൂരിൽ ഭർതൃവീട്ടിൽ പാമ്പ് കടിയേറ്റ് ചികിത്സയിൽ കഴിഞ്ഞ ഉത്ര അഞ്ചലിലെ വീട്ടിൽ വെച്ച് വീണ്ടും പാമ്പ് കടിയേറ്റാണ് മരിച്ചത്.
കൊല്ലം അഞ്ചൽ സ്വദേശിനി ഉത്ര പാമ്പ് കടിയേറ്റ് മരിച്ച സംഭവത്തിൽ അന്വേഷണം തുടരുന്നു. ഉത്രയുടെ മരണത്തിൽ സംശയമുണ്ടെന്ന് കാട്ടി മാതാപിതാക്കൾ പരാതി നൽകിയതിനെ തുടർന്നാണ് അന്വേഷണം. അടൂരിൽ ഭർതൃവീട്ടിൽ പാമ്പ് കടിയേറ്റ് ചികിത്സയിൽ കഴിഞ്ഞ ഉത്ര അഞ്ചലിലെ വീട്ടിൽ വെച്ച് വീണ്ടും പാമ്പ് കടിയേറ്റാണ് മരിച്ചത്.
യുവതിയുടെ ഭർത്താവിന് എതിരെയാണ് ബന്ധുക്കള് പരാതി നല്കിയത്. ആദ്യം മാർച്ച് രണ്ടിന് ഭർത്താവ് സൂരജിന്റെ വീട്ടില് വച്ചാണ് പാമ്പ് കടിയേറ്റത്. തുടർന്ന് തിരുവല്ലയിലെ സ്വകാര്യ മെഡിക്കല് കോളജില് 16 ദിവസം ചികില്സ നടത്തി. ചികിത്സക്ക് ശേഷം യുവതിയുടെ വീട്ടില് കഴിയുന്നതിനിടയില് മെയ് ആറിന് വീണ്ടും പാമ്പ് കടിയേല്ക്കുകയായിരുന്നു. ആ ദിവസം യുവതിയുടെ ഭർത്താവ് സൂരജും വീട്ടില് ഉണ്ടായിരുന്നു. എയര്ഹോളുകള് പൂര്ണമായും അടച്ച എസിയുളള മുറിയാണ്. ജനലുകൾ തുറന്നിടുന്ന പതിവില്ല. എന്നിട്ടുമെങ്ങനെ പാമ്പ് മുറിയില് കയറിയെന്നാണ് ബന്ധുക്കളുടെ സംശയം. സൂരജിന് പാമ്പ് പിടുത്തക്കാരുമായി ബന്ധമുണ്ടെന്നും ഉത്രയുടെ ബന്ധുക്കള് ആരോപിക്കുന്നു.
Adjust Story Font
16