ബിനീഷ് കോടിയേരി 14 ദിവസത്തേക്ക് റിമാൻഡിൽ
കസ്റ്റഡി കാലാവധി അവസാനിച്ചതിനെ തുടർന്നാണ് 14 ദിവസത്തേക്ക് ബംഗളൂരു സിറ്റി സെഷൻ കോടതി ബിനീഷിനെ റിമാൻഡ് ചെയ്തത്
ബംഗളുരു മയക്കുമരുന്ന് കേസിൽ ബിനീഷ് കോടിയേരി റിമാൻഡിൽ. കസ്റ്റഡി കാലാവധി അവസാനിച്ചതിനെ തുടർന്നാണ് 14 ദിവസത്തേക്ക് ബംഗളൂരു സിറ്റി സെഷൻ കോടതി ബിനീഷിനെ റിമാൻഡ് ചെയ്തത്. ബിനീഷിനെ ബംഗളൂരുവിലെ പരപ്പന അഗ്രഹാര ജയിലിലേക്ക് മാറ്റും.
ബിനീഷിന്റെ ജാമ്യാപേക്ഷ ഈ മാസം 18 ന് കോടതി പരിഗണിയ്ക്കും. ജാമ്യാപേക്ഷയിൽ മറുപടി നൽകാൻ ഒരാഴ്ചത്തെ സമയം എൻഫോഴ്സ്മെൻറ് ഡയറക്ടറേറ്റ് ചോദിച്ചിട്ടുണ്ട്. ലഹരിക്കടത്തുമായി ബന്ധപ്പെട്ട കള്ളപ്പണക്കേസിലാണ് ബിനീഷ് അറസ്റ്റിലായത്. ബിനീഷിൻെറ വസതിയിൽനിന്ന് അനൂപ് മുഹമ്മദിൻെറ ഡെബിറ്റ് കാർഡ് കണ്ടെടുത്തതായി എൻഫോഴ്സ്മെൻറ് ഡയറക്ടറേറ്റ് കോടതിയെ അറിയിച്ചു. അന്വേഷണപുരോഗതി റിപ്പോർട്ടും കോടതിയിൽ സമർപ്പിച്ചിരുന്നു.
എന്നാല് ബിനീഷിന്റെ അറസ്റ്റ് നിയമ വിരുദ്ധമെന്ന് ബിനീഷിന്റെ അഭിഭാഷകൻ പറഞ്ഞു. സമാനമായ കേസുകളിൽ ജാമ്യം അനുവദിച്ചിട്ടുണ്ടെന്നും അഭിഭാഷകൻ കോടതിയെ അറിയിച്ചു.
Adjust Story Font
16