സത്യത്തെ അവഹേളിക്കാനാവും, പരാജയപ്പെടുത്താനാവില്ല'- കോണ്ഗ്രസിനെ ഒഴിവാക്കി സച്ചിന്
സച്ചിൻ പൈലറ്റിനെ സംസ്ഥാന കോണ്ഗ്രസ് അധ്യക്ഷസ്ഥാനത്തുനിന്നും ഉപമുഖ്യമന്ത്രി പദത്തിൽനിന്നും കോണ്ഗ്രസ് നീക്കിയിരുന്നു
രാജസ്ഥാനിൽ ഉപമുഖ്യമന്ത്രി സ്ഥാനവും കോണ്ഗ്രസ് അധ്യക്ഷ പദവിയും നഷ്ടപ്പെട്ടതിൽ പ്രതികരിച്ചു സച്ചിൻ പൈലറ്റ്. സത്യത്തെ അവഹേളിക്കാനാവും, എന്നാൽ തോൽപ്പിക്കാനാവില്ലെന്നു സച്ചിൻ പൈലറ്റ് ട്വിറ്ററിലൂടെ പ്രതികരിച്ചു.
സത്യത്തെ അവഹേളിക്കാനാവും, പരാജയപ്പെടുത്താനാവില്ല- സച്ചിന് ഹിന്ദിയില് ട്വീറ്റ് ചെയ്തു. കോണ്ഗ്രസ് അംഗമെന്ന വിവരണം സച്ചിന് ട്വിറ്റര് ബയോയില്നിന്ന് നീക്കം ചെയ്തിട്ടുമുണ്ട്.
സച്ചിൻ പൈലറ്റിനെ സംസ്ഥാന കോണ്ഗ്രസ് അധ്യക്ഷസ്ഥാനത്തുനിന്നും ഉപമുഖ്യമന്ത്രി പദത്തിൽനിന്നും കോണ്ഗ്രസ് നീക്കിയിരുന്നു. ജയ്പൂരിൽ ചേർന്ന കോണ്ഗ്രസ് നിയമസഭാകക്ഷി യോഗത്തിലാണു തീരുമാനം. സച്ചിൻ പൈലറ്റുമായി അടുത്ത ബന്ധം പുലർത്തുന്ന രണ്ടു മന്ത്രിമാരെയും നീക്കം ചെയ്തിട്ടുണ്ട്. വിശ്വേന്ദ്ര സിംഗ്, രമേശ് മീണ എന്നിവരെയാണു മന്ത്രിസഭയിൽനിന്നു പുറത്താക്കിയത്. രാജസ്ഥാൻ പിസിസി അധ്യക്ഷനായി ഗോവിന്ദ് സിംഗ് ദൊസ്താരയെ നിയമിച്ചു. സച്ചിൻ പൈലറ്റ് ബി.ജെ.പിയുമായി ചേർന്നു ഗൂഢാലോചന നടത്തിയെന്നു കോണ്ഗ്രസ് ആരോപിച്ചു. സച്ചിൻ പൈലറ്റിനൊപ്പമുള്ള എം.എൽ.എമാർക്കെതിരേ നടപടി സ്വീകരിക്കുമെന്നും കോണ്ഗ്രസ് അറിയിച്ചു.
Adjust Story Font
16