യു.പിയില്‍ 16കാരിയെ വീടിനുള്ളില്‍ അതിക്രമിച്ച് കയറി വെടിവെച്ച് കൊന്നു: രണ്ട് പേര്‍ പിടിയില്‍
മോശമായി പെരുമാറിയ യുവാക്കളെ പെണ്‍കുട്ടി താക്കീത് ചെയ്തതിന് പിന്നാലെയാണ് സംഭവം
ഉത്തര്‍പ്രദേശില്‍ വീടിനുള്ളില്‍ അതിക്രമിച്ച് കയറിയ അക്രമികള്‍ 16കാരിയെ വെടിവെച്ച് കൊന്നു. ഫിറോസാബാദിലാണ് സംഭവം. അക്രമികളില്‍ രണ്ട് പേരെ അറസ്റ്റ് ചെയ്തു. ഒരാളെ കൂടി പിടികൂടാനുണ്ട്.
"എന്‍റെ മകള്‍ പ്ലസ് ടുവിലാണ് പഠിക്കുന്നത്. അവള്‍ റോഡിലൂടെ നടക്കുമ്പോള്‍ ഈ യുവാക്കള്‍ മോശമായി പെരുമാറുകയും അശ്ലീല സംഭാഷണം നടത്തുകയും ചെയ്തു. മകള്‍ അവരെ താക്കീത് ചെയ്തു. അതിന് ശേഷമാണ് മൂന്ന് പേര്‍ വീട്ടിലെത്തി വാതില്‍ തള്ളിത്തുറന്ന് മകളുടെ തലയ്ക്ക് നേരെ വെടിയുതിര്‍ത്തത്"- പെണ്‍കുട്ടിയുടെ അച്ഛന്‍ പറഞ്ഞു.
വെള്ളിയാഴ്ച രാത്രി 11.45ഓടെയാണ് സംഭവമെന്ന് പെണ്‍കുട്ടിയുടെ കുടുംബം പറഞ്ഞു. മനിഷ് ചൌധരി, ശിവപാല്‍ യാദവ്, ഗൌരവ് ചക് എന്നിവരാണ് പ്രതികള്‍. മൂന്ന് പേരും പെണ്‍കുട്ടിയുടെ വീടിന് സമീപം താമസിക്കുന്നവരാണ്.
Next Story
Adjust Story Font
16
