കോവിഡ് ബാധിച്ച് ഒമാനിൽ ഒരാൾ കൂടി മരിച്ചു
കോവിഡ് ബാധിച്ച് ഒമാനിൽ ഒരാൾ കൂടി മരിച്ചു. 48 വയസുള്ള പ്രവാസിയാണ് മരണപ്പെട്ടതെന്ന് ഒമാൻ ആരോഗ്യമന്ത്രാലയം അറിയിച്ചു.
കോവിഡ് ബാധിച്ച് ഒമാനിൽ ഒരാൾ കൂടി മരിച്ചു. 48 വയസുള്ള പ്രവാസിയാണ് മരണപ്പെട്ടതെന്ന് ഒമാൻ ആരോഗ്യമന്ത്രാലയം അറിയിച്ചു. ഒമാനിലെ 22ാമത്തെ കോവിഡ് മരണമാണിത്. മരണപ്പെട്ടതിൽ രണ്ട് മലയാളികളടക്കം 14 പേർ വിദേശികളും എട്ടുപേർ സ്വദേശികളുമാണ്.
ഒമാനിൽ ഇന്ന് 157 പേർക്ക് കൂടി കോവിഡ് രോഗം സ്ഥിരീകരിച്ചു. ഇതോടെ മൊത്തം രോഗബാധിതർ 5186 ആയി. പുതിയ രോഗികളിൽ 76 പേർ വിദേശികളും 81 പേർ ഒമാനികളുമാണ്. അസുഖം ഭേദമായവരുടെ എണ്ണം 1,465 ആയി ഉയർന്നു. രണ്ട് മലയാളികളടക്കം 22 പേരാണ് കോവിഡ് ബാധിച്ച് ഇതുവരെ മരണപ്പെട്ടത്. മരിച്ചവരിൽ 18 പേർ മസ്കത്തിൽ ചികിത്സയിലിരുന്നവരും മൂന്ന് പേർ തെക്കൻ ബാത്തിനയിൽ ചികിത്സയിലിരുന്നവരും ഒരാൾ വടക്കൻ ബാത്തിനയിൽ ചികിത്സയിലിരുന്നയാളുമാണ്.
3,699 പേരാണ് നിലവിൽ അസുഖബാധിതരായിട്ടുള്ളത്. പുതിയ രോഗികളിൽ 99 പേരും മസ്കത്ത് ഗവർണറേറ്റിലാണ്. ഇവിടെ മൊത്തം കോവിഡ് ബാധിതർ 3929 ആയി.
Adjust Story Font
16