ഒമാനിൽ തൊഴിൽവിസ കാലാവധി കഴിഞ്ഞവർക്ക് പിഴയില്ലാതെ നാട്ടിലേക്ക് മടങ്ങാം
പദ്ധതി നിലവില് വന്നെന്ന് തൊഴില് മന്ത്രാലയം. ഡിസംബർ 31 വരെ രജിസ്ട്രര് ചെയ്യാം. ഒളിച്ചോടിയ തൊഴിലാളികൾക്കും അപേക്ഷിക്കാം
ഒമാനിൽ തൊഴിൽവിസ കാലാവധി കഴിഞ്ഞവർക്ക് പിഴയില്ലാതെ നാട്ടിലേക്ക് മടങ്ങുന്നതിന് തൊഴിൽ മന്ത്രാലയം പ്രഖ്യാപിച്ച പദ്ധതി ഇന്ന് മുതൽ നിലവിൽ വന്നു . ഇതിന്റെ രജിസ്ട്രേഷൻ നടപടികൾ ഇന്ന് മുതൽ ആരംഭിച്ചു. ഡിസംബർ 31 വരെയാണ് രജിസ്ട്രേഷനുള്ള സമയം . www.manpower.gov.om എന്ന വെബ്സൈറ്റിലാണ് ഇതിനായി ആദ്യം രജിസ്റ്റർ ചെയ്യേണ്ടത്.
താമസ രേഖകളില്ലാത്തവർക്ക് നാടണയാനുള്ള അവസരമാണ് ഇതുവഴി ലഭിക്കുന്നത്. ലേബർ ഫൈനുകൾ എഴുതി തള്ളും. പാസ്പോർട്ട് ഇല്ലാത്തവർക്ക് എംബസി ഔട്ട് പാസ് ലഭ്യമാകും. വിമാന ടിക്കറ്റുമായി യാത്രക്ക് 7 മണിക്കൂർ മുമ്പ് തൊഴിൽ മന്ത്രാലയത്തിലെത്തണം.72 മണിക്കുറിനിടയിൽ എടുത്ത പി.സി.ആർ പരിശോധന ഫലവും വേണമെന്ന് മന്ത്രാലയം അറിയിച്ചു.
Next Story
Adjust Story Font
16