യു.എ.ഇയില്‍ താമസ വിസക്കാർക്ക് പ്രവേശന വിലക്ക് നീട്ടി

യു.എ.ഇയിൽ താമസവിസയുള്ളവർക്ക് രാജ്യത്തേക്ക് തിരികെ പ്രവേശിക്കാനുള്ള വിലക്ക് രണ്ടാഴ്ചക്കാലത്തേക്ക് കൂടി നീട്ടി. വിദേശകാര്യമന്ത്രാലയത്തിന്റേതാണ് തീരുമാനം. കോവിഡ് രോഗബാധ വ്യാപിക്കുന്ന പശ്ചാത്തലത്തിലാണ് നടപടി.

രാജ്യത്തേക്കും പുറത്തേക്കുമുള്ള വിമാന വിലക്ക് പിൻവലിച്ചിട്ടില്ലെന്ന് യു.എ.ഇ ജനറൽ സിവിൽ ഏവിയേഷൻ അതോറിറ്റിയും അറിയിച്ചു. യു എ ഇയിലുള് വിവിധ രാജ്യങ്ങളിലെ പൗരൻമാരെ സ്വദേശത്ത് തിരിച്ചെത്തിക്കുന്നതിനുള്ള പ്രത്യേക വിമാനങ്ങൾക്ക് മാത്രമാണ് ഇപ്പോൾ അനുമതി നൽകിയിട്ടുള്ളത്. ഇതിനായി എമിറേറ്റ്സും, ഇത്തിഹാദും പ്രത്യേക സർവീസുകൾ ഈമാസം അഞ്ച് മുതൽ ആരംഭിക്കുന്നുണ്ട്. പക്ഷെ, ഈ വിമാനങ്ങൾ പോകുന്ന രാജ്യങ്ങളിൽ നിന്ന് തിരിച്ച് ആളെ കൊണ്ടുവരില്ല. കാർഗോവിമാനങ്ങളായാണ് ഇവ തിരിച്ചുവരിക.