വിവാദങ്ങള്ക്കൊടുവില് വര്ത്തമാനത്തിന്റെ ടീസര് പുറത്ത്
സെന്സറിംഗ് സംബന്ധിച്ച് ചിത്രത്തിന് ആദ്യം വിലക്കേര്പ്പെടുത്തിയിരുന്നു. കേന്ദ്ര സെന്സര് ബോര്ഡ് റിവൈസിംഗ് കമ്മറ്റി പ്രവര്ത്തനാനുമതി നല്കിയതോടെയാണ് ചിത്രം തീയേറ്ററില് റിലീസ് ചെയ്യാനായെത്തുന്നത്.
ബെന്സി പ്രൊഡക്ഷന്സിന്റെ ബാനറില് ബെന്സി നാസര് നിര്മ്മിച്ച് സംവിധായകന് സിദ്ധാര്ത്ഥ് ശിവ പാര്വതി തിരുവോത്തിനെ നായികയാക്കി ഒരുക്കുന്ന 'വര്ത്തമാന'ത്തിന്റെ ടീസര് പുറത്തിറക്കി. ചിത്രത്തിന്റെ കഥയും തിരക്കഥയും സംഭാഷണവും ആര്യാടന് ഷൗക്കത്തിന്റേതാണ്. അദ്ദേഹം സിനിമയുടെ നിര്മ്മാണ പങ്കാളി കൂടിയാണ്.
ഏറെ വിവാദങ്ങള്ക്കൊടുവിലാണ് വര്ത്തമാനം റിലീസിന് ഒരുങ്ങുന്നത് . സെന്സറിംഗ് സംബന്ധിച്ച് ചിത്രത്തിന് ആദ്യം വിലക്കേര്പ്പെടുത്തിയിരുന്നു. തുടര്ന്ന് കേന്ദ്ര സെന്സര് ബോര്ഡ് റിവൈസിംഗ് കമ്മറ്റി പ്രവര്ത്തനാനുമതി നല്കിയതോടെയാണ് ചിത്രം തീയേറ്ററില് റിലീസ് ചെയ്യാനായെത്തുന്നത്. സ്വാതന്ത്ര്യ സമര സേനാനി മുഹമ്മദ് അബ്ദുള് റഹ്മാനെ കുറിച്ച് ഗവേഷണം നടത്തുവാനായി ഡല്ഹിയിലെ ഒരു യൂണിവേഴ്സിറ്റിയിലേക്കു യാത്രതിരിച്ച മലബാറില് നിന്നുള്ള ഒരു പെണ്കുട്ടി നേരിടുന്ന വെല്ലുവിളികളും പ്രതിസന്ധികളുമാണ് വര്ത്തമാനത്തിന്റെ പ്രമേയം. പാര്വ്വതി തിരുവോത്തിന്റെ വളരെ ശ്രദ്ധേയമായ കഥാപാത്രമാണ് വര്ത്തമാനത്തിലെ ഫൈസാസൂഫിയ.
Adjust Story Font
16