ഡ്രൈവര്മാരുടെ ലൈസന്സില് രേഖപ്പെടുത്തിയ ബ്ലാക്ക് പോയന്റുകള് അബൂദാബി റദ്ദാക്കുന്നു
ഡ്രൈവര്മാരുടെ ലൈസന്സില് രേഖപ്പെടുത്തിയ ബ്ലാക്ക് പോയന്റുകള് അബൂദാബി റദ്ദാക്കുന്നു
യു എ ഇ പ്രഖ്യാപിച്ച ദാനധര്മ വര്ഷത്തിന്റെ ഭാഗമായാണ് ഈ ആനുകൂല്യം
അബൂദബിയില് ചെറിയ ഗതാഗതനിയമ ലംഘനങ്ങള്ക്ക് ഡ്രൈവര്മാരുടെ ലൈസന്സില് രേഖപ്പെടുത്തിയ ബ്ലാക്ക് പോയന്റുകള് പൊലീസ് റദ്ദാക്കുന്നു. യു എ ഇ പ്രഖ്യാപിച്ച ദാനധര്മ വര്ഷത്തിന്റെ ഭാഗമായാണ് ഈ ആനുകൂല്യം.
ഈ വര്ഷം ജൂലൈ ഒന്ന് വരെയുള്ള ബ്ലാക്ക് പോയന്റുകളാണ് അബൂദബി പൊലീസ് റദ്ദാക്കുക. അമിത വേഗം, ചുവപ്പ് സിഗനൽ മറികടക്കൽ, മദ്യ ലഹരിയില് വാഹനം ഓടിക്കൽ തുടങ്ങിയ കുറ്റങ്ങൾക്കുള്ള ബ്ലാക്ക് പോയൻറുകൾ ഒഴിവാക്കില്ല. പുതിയ ഗതാഗത നിയമങ്ങളും നിയന്ത്രണങ്ങളും ജൂലൈ ഒന്ന് മുതൽ നടപ്പാക്കും. അതിന് മുമ്പുള്ള ബ്ലാക്ക് പോയന്റുകള്ക്കാണ് ഇളവ്. ഈ അവസരം ഡ്രൈവര്മാര് പരമാവധി പ്രയോജനപ്പെടുത്തണമെന്ന് അധികൃതര് പറഞ്ഞു. ഗതാഗത നിയമലംഘനം നടത്തിയ വ്യക്തികളുടെ സ്വഭാവം കൂടി പരിഗണിച്ചായിരിക്കും ആനുകൂല്യമെന്ന് പൊലീസ് പറഞ്ഞു.
Adjust Story Font
16