ദുബൈ റിയൽ എസ്റ്റേറ്റ് വിപണിയിൽ ഇന്ത്യൻ ആധിപത്യം തുടരുന്നു
ദുബൈ റിയൽ എസ്റ്റേറ്റ് വിപണിയിൽ ഇന്ത്യൻ ആധിപത്യം തുടരുന്നു
പാർപ്പിടങ്ങളും ഓഫീസുകളും സ്വന്തമാക്കാൻ വൻതോതിൽ ഇന്ത്യക്കാരാണ് രംഗത്തു വന്നത്
ദുബൈ റിയൽ എസ്റ്റേറ്റ് വിപണിയിൽ ഇന്ത്യൻ ആധിപത്യം തുടരുന്നു. പാർപ്പിടങ്ങളും ഓഫീസുകളും സ്വന്തമാക്കാൻ വൻതോതിൽ ഇന്ത്യക്കാരാണ് രംഗത്തു വന്നത്. ദുബൈ ലാൻഡ് ഡിപ്പാർട്മെൻറാണ് പോയ വർഷം ഇന്ത്യക്കാർ സ്വന്തമാക്കിയ വസ്തുവകകളുടെ വിവരം പുറത്തുവിട്ടത്.
ദുബൈയിൽ ഒന്നര വർഷത്തിനുള്ളിൽ ഇന്ത്യക്കാർ സ്വന്തമാക്കിയത് 42,000 കോടിയുടെ വസ്തുക്കളാണ്. 2016 ജനുവരി മുതൽ ഈ ജൂൺ വരെയുള്ള കാലയളവിലാണ് ഇത്രയും തുകയുടെ വസ്തുവകകൾ ഇന്ത്യക്കാർ നേടിയത്. 2014നെ അപേക്ഷിച്ച് 12,000 കോടി രൂപയുടെ വർധനയാണുള്ളത്. 2014ൽ 30,000 കോടിയുടെ വസ്തുക്കളായിരുന്നു ഇന്ത്യക്കാരുടെ സമ്പാദ്യം. ഗൾഫ് മേഖലയിൽ നിന്നുള്ള സമ്പന്നരെ മാറ്റി നിർത്തിയാൽ ഇന്ത്യക്കാർക്കു തന്നെയാണ് ദുബൈ റിയൽ എസ്റ്റേറ്റ് വിപണിയിൽ മേധാവിത്തമെന്ന് ഏറ്റവും പുതിയ റിപ്പോർട്ടും അടിവരയിടുന്നു.
ഈ വർഷം പോയ മാസം വരെ 20,400 കോടി ദിർഹമിന്റെ റിയൽ എസ്റ്റേറ്റ് ഇടപാടുകളാണ് നടന്നത്. ഭൂമി, ഭവന ഇടപാടുകളിൽ നല്ല ഉണർവാണുള്ളത്.
റിയൽ എസ്റ്റേറ്റ് മേഖലയിൽ പ്രവർത്തിക്കുന്നവർക്ക് പ്രതീക്ഷ പകരുന്ന റിപ്പോർട്ടാണിത്. കെട്ടിട വിൽപന രംഗത്ത് വരും മാസങ്ങളിൽ കൂടുതൽ മികച്ച പ്രതികരണം ഉണ്ടാകുമെന്നാണ് വിലയിരുത്തൽ.
Adjust Story Font
16