നടന്‍ രവീന്ദ്രന്‍ നയിക്കുന്ന ശില്‍പശാല ജൂലൈ 30 മുതല്‍ ദുബൈയില്‍

ദുബൈ: ലേണിങ് ഫ്രം മാസ്റ്റേഴ്സ് പെയിന്‍റിംഗ്–വിഷ്വൽ ലാംഗ്വേജ് ആൻഡ് കോംപോസിഷൻ എന്ന വിഷയത്തിൽ ചലച്ചിത്ര നടൻ രവീന്ദ്രൻ നയിക്കുന്ന ശില്‍പശാല ഈ മാസം 30 മുതൽ ആഗസ്ത് 1 വരെ ദുബൈ ദെയ്റയിലെ ലത്തീഫ് പ്രൊഡക്ഷനിൽ നടക്കും.

പ്രൊഫഷനൽ വീഡിയോഗ്രാഫർമാർക്കും ഫൊട്ടോഗ്രാഫർമാർക്കും അവരുടെ കഴിവുകളെ മിനുക്കിയെടുക്കാനും തൊഴിൽ മേഖലയിൽ പുതിയ ഉയരങ്ങളിലേയ്ക്ക് പോകാനും ക്ലാസുകൾ സഹായകമാകുമെന്ന് രവീന്ദ്രൻ പറഞ്ഞു. ആധുനിക ക്യാമറകളെ പരിചയപ്പെടുത്തുകയും ചെയ്യും. ശിൽപശാല തികച്ചും സൗജന്യമാണ്. വിവരങ്ങൾക്ക്: 050 493 3984 , 565526716