'സിനിമയിൽ നിന്നും അര്‍ഹിച്ച അംഗീകാരം കൽപനക്ക് ലഭിച്ചിട്ടില്ല, ഇന്നായിരുന്നെങ്കിൽ നല്ല വേഷങ്ങൾ കിട്ടുമായിരുന്നു': ഉര്‍വശി

കൊച്ചി: ഹാസ്യവേഷങ്ങളിലൂടെ മലയാളത്തിൽ നിറഞ്ഞുനിന്ന നടിയായിരുന്നു കൽപന. അവസാന കാലത്ത് സ്വഭാവറോളുകളിലും നടി തിളങ്ങി. എന്നാൽ കരിയറിന്‍റെ ഉന്നതിയിൽ നിൽക്കുമ്പോഴും കൽപനക്ക് സിനിമയിൽ നിന്നും അര്‍ഹിച്ച അംഗീകാരം ലഭിച്ചിട്ടില്ലെന്ന് പറയുകയാണ് സഹോദരിയും നടിയുമായ ഉര്‍വശി.

"കല്പന ഇന്ന് ജീവിച്ചിരിപ്പുണ്ടായിരുന്നെങ്കിൽ എന്ന് ഞാൻ പലപ്പോഴും ആഗ്രഹിക്കാറുണ്ട്. ഇപ്പോഴും അങ്ങനെ തന്നെ. ഇന്നത്തെ സംവിധായകർക്ക് ദീർഘവീക്ഷണമുണ്ട്. ഞാൻ പഴയ സംവിധായകരെ താഴ്ത്തിക്കെട്ടുകയോ പുതിയ സംവിധായകരെ മനഃപൂർവം പ്രശംസിക്കുകയോ ചെയ്യുകയല്ല. എന്നിരുന്നാലും, ഇന്നത്തെ ആളുകൾക്ക് സൃഷ്ടിപരമായ സാഹസങ്ങൾ ഏറ്റെടുക്കാൻ ധൈര്യമുണ്ട്. ഉദാഹരണത്തിന് ഇന്ദ്രൻസ് പോലുള്ള ഒരു കലാകാരനെ എടുക്കുക. അദ്ദേഹത്തിന്‍റെ ഉള്ളിലെ കഴിവ് ഒരിക്കലും പുറത്തുവരില്ലായിരുന്നു. അദ്ദേഹത്തിന്‍റെ വസ്ത്രാലങ്കാരത്തെക്കുറിച്ച് അപാരമായ അറിവുണ്ട്. ക്ലാസിക് ചിന്താഗതിയും ഉണ്ട്, ധാരാളം വായിക്കാനും കഴിവുണ്ട്. ഇന്നത്തെ സംവിധായകരാണ് അവ പ്രകടിപ്പിക്കാൻ അദ്ദേഹത്തിന് വേദിയൊരുക്കിയത്," ഉര്‍വശി പറയുന്നു.

കൽപന അവസാനം അഭിനയിച്ച ചിത്രം ചാര്‍ലി ഇതിനൊരു ഉദാഹരണമാണ്. തീർച്ചയായും, അവർക്ക് ധാരാളം നല്ല വേഷങ്ങൾ ചെയ്യാൻ കഴിയുമായിരുന്നു. ഒരുപക്ഷേ ഉള്ളൊഴുക്ക് പോലും, കൽപനയ്ക്ക് മനോഹരമായി ചെയ്യാൻ കഴിയുമായിരുന്നുവെന്ന് ഉര്‍വശി കൂട്ടിച്ചേര്‍ത്തു.