'എന്‍റെ കോപ്രായം കണ്ട് പല ചേട്ടന്‍മാരും ചോദിച്ചത് അടിച്ച ബ്രാന്‍ഡ് ഏതാണെന്നാണ്; വൈറല്‍ ഡാന്‍സിനെക്കുറിച്ച് കുഞ്ചാക്കോ ബോബന്‍

യുട്യൂബില്‍ 1 മില്യണലധികം പേരാണ് ഇതിനോടകം വീഡിയോ കണ്ടിരിക്കുന്നത്

MediaOne Logo

Web Desk

  • Updated:

    2022-08-08 09:44:06.0

Published:

8 Aug 2022 9:44 AM GMT

എന്‍റെ കോപ്രായം കണ്ട് പല ചേട്ടന്‍മാരും ചോദിച്ചത് അടിച്ച ബ്രാന്‍ഡ് ഏതാണെന്നാണ്; വൈറല്‍ ഡാന്‍സിനെക്കുറിച്ച് കുഞ്ചാക്കോ ബോബന്‍
X

കുഞ്ചാക്കോ ബോബന്‍ കേന്ദ്രകഥാപാത്രത്തെ അവതരിപ്പിക്കുന്ന 'ന്നാ താന്‍ കേസ് കൊട്' എന്ന ചിത്രം ആഗസ്ത് 11ന് തിയറ്ററുകളിലെത്തുകയാണ്. ചിത്രത്തിലെ ദേവദൂതര്‍ എന്ന ഗാനരംഗം പുറത്തിറങ്ങിയതോടെ ഏറെ പ്രതീക്ഷയിലാണ് ആരാധകര്‍. ചാക്കോച്ചന്‍റെ കിടിലന്‍ ഡാന്‍സ് തന്നെയാണ് ഇതിനു കാരണം. യുട്യൂബില്‍ 1 മില്യണലധികം പേരാണ് ഇതിനോടകം വീഡിയോ കണ്ടിരിക്കുന്നത്. എന്നാൽ ഈ ​ഗാനത്തിലെ തന്റെ കോപ്രായം കണ്ട് അടിച്ച ബ്രാൻഡ് ഏതാണെന്നാണ് പല ചേട്ടന്മാരും ചോദിച്ചത് എന്നാണ് താരം പറഞ്ഞത്. അല്ലെങ്കിൽ ഇത്രയും പവർ കിട്ടില്ലല്ലോ എന്നായിരുന്നു അവരുടെ സംശയമെന്നും ചിത്രത്തിന്‍റെ പ്രമോഷനുമായി ബന്ധപ്പെട്ടു നടത്തിയ മീറ്റ് ദ പ്രസിലായിരുന്നു താരം ഇക്കാര്യം പറഞ്ഞത്.

സ്റ്റേജിൽ 'ദേവദൂതർ' പാടുമ്പോൾ പുറത്തെ എന്‍റെ കോപ്രായം സെറ്റിലെ ആയിരത്തോളം വരുന്ന നാട്ടുകാരോട് ക്ഷമ ചോദിച്ചായിരുന്നു. കൊറിയോഗ്രഫറില്ലാതെ താളബോധമില്ലാതെ ചുവടുവച്ച അനുഭവം വേറിട്ടതായിരുന്നു. വൈറലാകുമെന്ന് പ്രതീക്ഷിച്ചിരുന്നില്ല.- കുഞ്ചാക്കോ ബോബൻ പറഞ്ഞു. തന്നെ തേടിയെത്തിയ ആൻ‌ഡ്രോയ്ഡ് കുഞ്ഞപ്പൻ വേണ്ടെന്ന് വച്ചതിന്റെ പ്രായശ്ചിത്തമാണ് 'ന്നാ താൻ കേസ് കൊട്' എന്നും താരം കൂട്ടിച്ചേർത്തു. താൻ അങ്ങോട്ട് പോയി രതീഷിന്റെ കാലുപിടിച്ചാണ് ഈ ചിത്രത്തിൽ അഭിനയിച്ചതെന്നും കുഞ്ചാക്കോ ബോബൻ പറഞ്ഞു

TAGS :

Next Story