നസ്ലെന്റെ മോളിവുഡ് ടൈംസ് മെയ് 15ന് തിയറ്ററുകളിൽ
സിനിമയ്ക്കുള്ളിലെ സിനിമയുടെ കഥയുമായാണ് മോളിവുഡ് ടൈംസ് എത്തുന്നത്
കൊച്ചി: നസ്ലെൻ കേന്ദ്രകഥാപാത്രത്തെ അവതരിപ്പിക്കുന്ന അഭിനവ് സുന്ദർ നായക് ചിത്രം മോളിവുഡ് ടൈംസ് മെയ് 15ന് തിയറ്ററുകളിലെത്തും. സിനിമയ്ക്കുള്ളിലെ സിനിമയുടെ കഥയുമായാണ് മോളിവുഡ് ടൈംസ് എത്തുന്നത്. ആഷിക് ഉസ്മാൻ നിർമിക്കുന്ന ചിത്രത്തിൽ നസ്ലെന് പുറമേ, സംഗീത് പ്രതാപ്, ഷറഫുദ്ദീന് എന്നിവരും പ്രധാന വേഷത്തിലെത്തുന്നുണ്ട്.
നെസ്ലെൻ കാമറയിലൂടെ നോക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ ഏറെ ശ്രദ്ധ നേടിയിരുന്നു. ചിത്രത്തിൽ നിരവധി താരങ്ങൾ കാമിയോ റോളുകളിൽ പ്രത്യക്ഷപ്പെടും. 'മുകുന്ദന് ഉണ്ണി അസ്സോസിയേറ്റ്സ്' എന്ന ചിത്രത്തിന് ശേഷം അഭിനവ് സുന്ദര് നായക് സംവിധാനം ചെയ്യുന്ന ചിത്രമാണ് മോളിവുഡ് ടൈംസ്. ' ചിത്രത്തിന്റെ തിരക്കഥ രാമു സുനിലിന്റേതാണ്. കാമറ വിശ്വജിത്ത് ഒടുക്കത്തില്, സംഗീതം ജേക്സ് ബിജോയ്.
എഡിറ്റിങ്: നിധിന് രാജ് അരോള് & ഡയറക്ടര്, സൗണ്ട് ഡിസൈന് & മിക്സിംഗ്: വിഷ്ണു ഗോവിന്ദ്, ആര്ട്ട് ഡയറക്ഷന്: ആശിഖ് എസ്, കോസ്റ്റും: മാഷര് ഹംസ, മേക്കപ്പ്: റോണെക്സ് സേവിയര്, പ്രൊഡക്ഷന് കണ്ട്രോളര്: സുധര്മന് വള്ളിക്കുന്ന്, ഫിനാന്സ് കണ്ട്രോളര്: ശിവകുമാര്, ചീഫ് അസോസിയേറ്റ് ഡയറക്ടര്: രാജേഷ് അടൂര്, വിഎഫ്എക്സ്: ഡിജി ബ്രിക്സ്, കളറിസ്റ്റ്:ശ്രീക് വാരിയര്, മോഷന് ഗ്രാഫിക്സ്: ജോബിന് ജോസഫ്, പി.ആര്.ഒ: എ എസ് ദിനേശ്, സ്റ്റില്സ്:ബോയക്, ഡിസൈന്സ്:യെല്ലോ ടൂത്ത്, ഡിജിറ്റല് മാര്ക്കറ്റിംഗ്: ഒബ്സ്ക്യൂറ എന്റര്ടൈന്മെന്റ്.
Adjust Story Font
16