Quantcast

ശ്രീനാഥ് ഭാസിയുടെ ആദ്യ സോളോ ഹീറോ ചിത്രം 'ചട്ടമ്പി' ഇന്ന് ഗള്‍ഫ് രാജ്യങ്ങളില്‍ റിലീസ്

1990കളുടെ പശ്ചാത്തലത്തിൽ ഇടുക്കിയിലെ മലയോര ​ഗ്രാമത്തിൽ നടന്ന യഥാർത്ഥ സംഭവങ്ങളെ അടിസ്ഥാനപ്പെടുത്തിയാണ് ചട്ടമ്പിയുടെ കഥ വികസിക്കുന്നത്

MediaOne Logo

ijas

  • Updated:

    2022-10-13 02:54:34.0

Published:

13 Oct 2022 2:53 AM GMT

ശ്രീനാഥ് ഭാസിയുടെ ആദ്യ സോളോ ഹീറോ ചിത്രം ചട്ടമ്പി ഇന്ന് ഗള്‍ഫ് രാജ്യങ്ങളില്‍ റിലീസ്
X

ശ്രീനാഥ് ഭാസി നായകനായ 'ചട്ടമ്പി' ഇന്ന് ജി.സി.സി രാജ്യങ്ങളിൽ റിലീസ് ചെയ്യും. കേരളത്തിൽ ഏറെ ശ്രദ്ധ നേടിയ ചിത്രം ശ്രീനാഥ്‌ ഭാസിയുടെ ആദ്യ സോളോ ഹീറോ സിനിമയാണ്. ശ്രീനാഥ് ഭാസിയുടെ സിനിമാ ജീവിതത്തിലെ ഇതുവരെ വന്നതിൽ ഏറ്റവും വ്യത്യസ്തമായ കഥാപാത്രമാണ് കറിയ എന്ന ചട്ടമ്പിയിലെ നായകൻ. ആർട്ട് ബീറ്റ് സ്റ്റുഡിയോയുടെ ബാനറിൽ ആസിഫ് യോഗി നിർമ്മിച്ച് അഭിലാഷ് എസ് കുമാർ ആണ് ചട്ടമ്പി സംവിധാനം ചെയ്തത്.

1990കളുടെ പശ്ചാത്തലത്തിൽ ഇടുക്കിയിലെ മലയോര ​ഗ്രാമത്തിൽ നടന്ന യഥാർത്ഥ സംഭവങ്ങളെ അടിസ്ഥാനപ്പെടുത്തിയാണ് ചട്ടമ്പിയുടെ കഥ വികസിക്കുന്നത്. ആഷിഖ് അബുവിന്‍റെ അസോസിയേറ്റും 22 ഫിമെയിൽ കോട്ടയം, ഡാ തടിയ, ​ഗ്യാങ്സ്റ്റർ എന്നീ ചിത്രങ്ങളുടെ രചയിതാവുമായ അഭിലാഷ് എസ് കുമാർ ആദ്യമായി സംവിധാനം ചെയ്യുന്ന ചിത്രമാണ് ഇത്. ഡോൺ പാലത്തറയുടെ കഥക്ക് ചിത്രത്തിന്‍റെ ഛായാ​ഗ്രാഹകൻ കൂടിയായ ദുബൈ മലയാളി അലക്സ് ജോസഫാണ് തിരക്കഥ ഒരുക്കിയിരിക്കുന്നത്.

ശ്രീനാഥ്‌ ഭാസിയെകൂടാതെ ചെമ്പൻ വിനോദ് ജോസ്, ഗുരു സോമസുന്ദരം, ബിനു പപ്പു, ഗ്രേസ്‌ ആന്‍റണി, മൈഥിലി, ആസിഫ് യോഗി തുടങ്ങിയവർ അഭിനയിക്കുന്നു. സിറാജ്, സന്ദീപ്, ഷനിൽ, ജെസ്ന ആഷിം എന്നിവർ സഹ നിർമ്മാതാക്കൾ ആയ ചിത്രത്തിന്‍റെ എക്സിക്യൂട്ടീവ് പ്രൊഡ്യൂസർ സിറാജ് ആണ്. സെബിൻ തോമസ് കലാ സംവിധാനവും ശേഖർ മേനോൻ സംഗീതവും നിർവഹിച്ചിരിക്കുന്നു. ജോയൽ കവിയാണ് എഡിറ്റർ. പ്രൊഡക്ഷൻ കൺട്രോളർ -ജിനു, പി.ആർ.ഒ -ആതിര. കണ്ടന്‍റ് ഫാക്ടറിയാണ് പി.ആർ സ്ട്രാറ്റജി ആൻഡ് മാർക്കറ്റിങ്. ഫാർസ് ഫിലിംസ് ആണ് ചിത്രം റിലീസ് ചെയ്യുന്നത്.

TAGS :

Next Story