ഖത്തറില്‍ 25 സ്വ​കാ​ര്യ സ്​​കൂ​ളു​ക​ൾ​ക്ക്​ കൂ​ടി പ്ര​വ​ർ​ത്ത​നാ​നു​മ​തി

രാ​ജ്യ​ത്തെ സ്വ​കാ​ര്യ സ്​​കൂ​ളു​ക​ളുടെ എ​ണ്ണം 171 ആ​യി

ഖത്തറില്‍ 25 സ്വ​കാ​ര്യ സ്​​കൂ​ളു​ക​ൾ​ക്ക്​ കൂ​ടി പ്ര​വ​ർ​ത്ത​നാ​നു​മ​തി ന​ൽ​കി​യ​താ​യി വിദ്യാഭ്യാസ മ​ന്ത്രാലയ​ത്തിന്​ കീ​ഴി​ലെ സ്​​കൂ​ൾ ലൈ​സ​ൻ​സി​ങ്​ ഡിപ്പാർട്ട്മെന്റ്​ ഡയറ​ക്​ട​ർ അ​റി​യി​ച്ചു. 58 അ​പേ​ക്ഷ​ക​ളി​ൽ​നി​ന്നാ​ണ്​ ഇ​ത്ര​യും വി​ദ്യാ​ല​യ​ങ്ങ​ൾ​ക്ക്​ അ​നു​മ​തി ന​ൽ​കി​യ​ത്. രാ​ജ്യ​ത്തെ സ്വ​കാ​ര്യ സ്​​കൂ​ളു​ക​ളുടെ എ​ണ്ണം 171 ആ​യി.

പുതുതായി അനുമതി ലഭിച്ച 25 സ്‌കൂളുകളടക്കം 94 സ്വ​കാ​ര്യ കി​ൻ​റ​ർ​ഗാ​ർ​ട്ടനുകളും 171 സ്വകാര്യ സ്‌കൂളുകളുമാണ്‌ ഇപ്പോള്‍ ഖത്തറിലുള്ളത് .കൂടാതെ പൊ​തു​മേ​ഖ​ല​യി​ൽ 197 സ്​​കൂ​ളു​കളുമുണ്ട് . ഇ​വ​ക്കാ​യി 2,150 ബ​സു​ക​ൾ അ​നു​വ​ദി​ച്ച​താ​യി സ്​​കൂ​ൾ അ​ഫ​യേ​ഴ്​​സ്​ ഡി​പ്പാ​ർ​ട്ട്​​മെ​ന്റ്​ ഡ​യ​റ​ക്​​ട​ർ ഖ​ലീ​ഫ സ​അ​ദ്​ അ​ൽ ദ​ർ​ഹം വ്യ​ക്ത​മാ​ക്കി. ബ​സു​ക​ളി​ൽ 40 സീ​റ്റു​ക​ളു​ള്ള​വ​യും 24 സീ​റ്റു​ക​ളു​ള്ള​വ​യും ഉ​ണ്ട്. ത​ങ്ങ​ളു​ടെ മ​ക്ക​ളു​ടെ സ്​​കൂ​ൾ യാ​ത്ര​യു​ടെ കാ​ര്യ​ത്തി​ൽ ര​ക്ഷി​താ​ക്ക​ൾ​ക്ക്​ പ​രാ​തി​യു​ണ്ടെ​ങ്കി​ൽ താ​മ​സ​സ്ഥ​ല​ത്തി​ന​ടു​ത്തു​ള്ള സ്കൂ​ളു​ക​ളി​ലേ​ക്ക്​ മാ​റ്റം അ​നു​വ​ദി​ക്കാ​നും മ​ന്ത്രാ​ല​യം ഒ​രു​ക്ക​മാ​ണെ​ന്ന്​ അ​ൽ ദ​ർ​ഹം അ​റി​യി​ച്ചു. സ്​​കൂ​ളു​ക​ളി​ലെ പ​രീ​ക്ഷ, അ​വ​ലോ​ക​ന രീ​തി​ക​ൾ പ​രി​ഷ്​ക​രി​ക്കാ​ൻ ഉ​​ദ്ദേ​ശി​ക്കു​ന്നു​ണ്ടെ​ന്ന്​ ഇ​വാ​​ല്വേ​ഷ​ൻ ഇ​ൻ​സ്​​റ്റി​റ്റ്യൂ​ട്ട്​ ഡ​യ​റ​ക്​​ട​ർ ഖാ​ലി​ദ്​ അ​ൽ ഹ​ർ​ഖാ​ൻ പ​റ​ഞ്ഞു. സ്​​കൂ​ളു​ക​ളു​ടെ നി​ല​വാ​രം മെ​ച്ച​പ്പെ​ടു​ത്തു​ന്ന​തി​നും ദേ​ശീ​യ അ​ക്ര​ഡി​റ്റേ​ഷ​ൻ സം​വി​ധാ​നം പ​രി​ഷ്​​ക​രി​ക്കു​ന്ന​തി​നും പ​ദ്ധ​തി​യു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. മൂ​ന്ന്​​ ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ൾ​ക്ക്​ ഇൗ ​അ​ധ്യ​യ​ന​വ​ർ​ഷം അ​നു​മ​തി ന​ൽ​കി​യ​താ​യി ഉ​ന്ന​ത വി​ദ്യാ​ഭ്യാ​സ വി​ഭാ​ഗം ഡ​യ​റ​ക്​​ട​ർ ഡോ. ​ഖാ​ലി​ദ്​ മു​ഹ​മ്മ​ദ്​ അ​ൽ ഹു​ർ പ​റ​ഞ്ഞു. അ​ബ​ർ​ദീ​ൻ യൂ​നി​വേ​ഴ്​​സി​റ്റി, എ.​എ​ഫ്.​ജി, യൂ​നി​വേ​ഴ്​​സി​റ്റി ഫൗ​ണ്ടേ​ഷ​ൻ കോ​ളേ​ജ്​ എ​ന്നി​വ​ക്കാ​ണ്​ അ​നു​മ​തി ല​ഭി​ച്ച​ത്.