കോവിഡ്​ നിയമ ലംഘനം: ബഹ്‌റൈനില്‍ രണ്ട്​ റെസ്​റ്റോറന്‍റുകൾ അടപ്പിച്ചു

കോവിഡ്​ നിയമം ലംഘിച്ചതിന്‍റെ പേരിൽ രണ്ട്​ റെസ്​റ്റോറന്‍റുകൾ അധികൃതർ ഇട​പെട്ട്​ അടപ്പിച്ചു. ആരോഗ്യ മന്ത്രാലയത്തിന്​ കീഴിലെ പ്രൈമറി ഹെൽത്​ ഡിപ്പാർട്ട്​മെന്‍റ്​ നൽകിയ റിപ്പോർട്ട്​ പ്രകാരമാണ്​ നടപടി.

ഉത്തര മേഖല ഗവർണറേറ്റ്​ പരിധിയിലുള്ള റെസ്​റ്റോറന്‍റുകൾക്കെതിരെയാണ്​ നടപടി. പൊലീസ്​, വാണിജ്യ മ​ന്ത്രാലയം, ടൂറിസം അതോറിറ്റി എന്നിവയുടെ സഹകരണത്തോടെ നടത്തിയ പരിശോധനയിലാണ്​ നിയമ ലംഘനം ക​ണ്ടെത്തിയത്​. കഴിഞ്ഞ ദിവസങ്ങളിൽ രാജ്യത്തിന്‍റെ വിവിധ ഭാഗങ്ങളിൽ 248 സ്​ഥാപനങ്ങളിൽ പരിശോധന നടത്തിയിരുന്നു.

റെസ്​റ്റോറന്‍റുകൾ, കോഫി ഷോപ്പുകൾ, ടൂറിസം സേവന കേന്ദ്രങ്ങൾ, ഹോട്ടലുകൾ എന്നിവയിലായിരുന്നു പരിശോധന. ഇതിൽ 22 സ്​ഥാപനങ്ങളാണ്​ നിയമം പാലിക്കുന്നതിൽ വീഴ്ച വരുത്തിയതായി കണ്ടെത്തിയത്​. നിയമം പാലിച്ച്​ സ്​ഥാപ നങ്ങൾ പ്രവർത്തിക്കാൻ മുന്നോട്ടു വരണമെന്ന്​ അധികൃതർ ആശ്യപ്പെട്ടു. പൊതുജനങ്ങളുടെയും ജീവനക്കാരുടെയും ആരോഗ്യവും സുരക്ഷയും പ്രത്യേകമായി പരിഗണിക്കേണ്ടതു​ണ്ടെന്നും അതിൽ അലംഭാവം വരുത്തുന്നത്​ നിയമ നടപടികൾക്ക്​ വിധേയമാക്കുന്ന കാര്യങ്ങളാണെന്നും ഉണർത്തി.