മയക്കുമരുന്ന് നിയന്ത്രണം; രണ്ട് അവാർഡുകൾ കരസ്ഥമാക്കി കുവൈത്ത് ആഭ്യന്തര മന്ത്രാലയം

കുവൈത്ത് സിറ്റി: അറബ്, അന്താരാഷ്ട്ര തലത്തിൽ മയക്കുമരുന്ന് നിയന്ത്രണത്തിന് പ്രധാന പങ്ക് വഹിച്ചതിന് അറബ് ആഭ്യന്തര മന്ത്രിമാരുടെ കൗൺസിൽ (എഐഎംസി) യുടെ രണ്ട് പുരസ്‌കാരങ്ങൾ കരസ്ഥമാക്കി കുവൈത്ത് ആഭ്യന്തര മന്ത്രാലയം. മികച്ച പ്രവർത്തനം, വിവര കൈമാറ്റം എന്നിവക്കാണ് പുരസ്കാരങ്ങൾ. മയക്കുമരുന്ന് വിരുദ്ധ ഏജൻസികളുടെ തലവന്മാരുടെ 39-ാമത് അറബ് സമ്മേളനത്തിലാണ് പുരസ്കാരം പ്രഖ്യാപിച്ചത്. കുവൈത്തിലെ മയക്കുമരുന്ന് നിയന്ത്രണത്തിനായുള്ള ജനറൽ ഡയറക്ടറേറ്റിന്റെ മേധാവി ബ്രിഗേഡിയർ ജനറൽ മുഹമ്മദ് ഖബാസാർഡിന്റെ അധ്യക്ഷതയിലായിരുന്നു സമ്മേളനം. അറബ് മേഖലയിലെ മയക്കുമരുന്ന് വിരുദ്ധ ഏജൻസികളിൽ ഏറ്റവും മികച്ച പ്രവർത്തനം നടത്തുന്നവർക്കാണ് എല്ലാ വർഷവും ഈ അവാർഡുകൾ നൽകുന്നത്.

അ​റ​ബ് മ​യ​ക്കു​മ​രു​ന്ന് നി​യ​ന്ത്ര​ണ ഏ​ജ​ൻ​സി​ക​ൾ, ഗ​ൾ​ഫ് സ​ഹ​ക​ര​ണ കൗ​ൺ​സി​ൽ (ജി.​സി.​സി) ക്രി​മി​ന​ൽ ഇ​ൻ​ഫ​ർ​മേ​ഷ​ൻ സെ​ന്റ​ർ ഫോ​ർ കോം​ബാ​റ്റിം​ഗ് ഡ്ര​ഗ്സ്, യു​നൈ​റ്റ​ഡ് നേ​ഷ​ൻ​സ് ഓ​ഫി​സ് ഓ​ൺ ഡ്ര​ഗ്സ് ആ​ൻ​ഡ് ക്രൈം, ​യൂ​റോ​പ്യ​ൻ യൂ​നി​യ​ൻ എ​ഗൈ​ൻ​സ്റ്റ് ഓ​ർ​ഗ​നൈ​സ്ഡ് ക്രൈം ​ആ​ൻ​ഡ് ടെ​റ​റി​സം പ്രോ​ജ​ക്ട്, ഇ​യു ഡ്ര​ഗ്സ് ഏ​ജ​ൻ​സി, ഇ​ന്റ​ർ​നാ​ഷ​ന​ൽ പ്രൊ​ട്ട​ക്ഷ​ൻ സെ​ന്റ​ർ എ​ന്നി​വ​യു​ടെ ത​ല​വ​ന്മാ​ർ സമ്മേളനത്തിൽ പ​ങ്കെ​ടു​ത്തു. മയക്കുമരുന്ന് ഉൽപാദനം, കള്ളക്കടത്ത്, പ്രതിരോധം എന്നിവ സമ്മേളനം ചർച്ച ചെയ്തു.