ഒമാനിലേക്ക് അനധികൃതമായി കടക്കാൻ ശ്രമിച്ച 18 ഏഷ്യൻ പൗരൻമാർ പിടിയിൽ

മസ്കത്ത്: ഒമാനിൽ അനധികൃതമായി കടക്കാൻ ശ്രമിച്ച 18 ഏഷ്യൻ പൗരൻമാരെ മുസന്ദം ഗവർണറേറ്റ് പൊലീസ് അറസ്റ്റ് ചെയ്തു. നുഴഞ്ഞുകയറ്റം തടയുന്നതിനുള്ള നിരന്തരമായ ശ്രമങ്ങളുടെ ഭാഗമായാണ് അറസ്റ്റെന്ന് റോയൽ ഒമാൻ പൊലീസ് പറഞ്ഞു. പിടിയിലായവർക്കെതിരെ നിയമനടപടികൾ പൂർത്തിയായി വരികയാണെന്ന് അധികൃതർ അറിയിച്ചു.