Quantcast

മസ്‌കത്തിൽ പൊലീസ് വേഷത്തിലെത്തി 18,000 ഒമാനി റിയാൽ കവർന്ന കേസ്; മൂന്ന് പ്രവാസികൾ പിടിയിൽ

തിരിച്ചറിയൽ രേഖകൾ ആവശ്യപ്പെട്ട ശേഷമായിരുന്നു പ്രതികൾ പണം തട്ടിയെടുത്തത്

MediaOne Logo

Gulf Desk

  • Published:

    16 Nov 2026 4:21 PM IST

Case of 18,000 Rials stolen in Muscat by individuals posing as police; three expatriates arrested.
X

മസ്കത്ത്: പൊലീസ് ഉദ്യോ​ഗസ്ഥരെന്ന വ്യാജേനെ ഏഷ്യൻ സ്വദേശിയായ പ്രവാസിയെ തടഞ്ഞുനിർത്തി 18,000 ഒമാനി റിയാൽ കവർന്ന കേസിൽ മൂന്ന് പ്രതികളെ റോയൽ ഒമാൻ പൊലീസ് അറസ്റ്റ് ചെയ്തു. പൊലീസ് ഉദ്യോഗസ്ഥരെന്ന വ്യാജേനയെത്തി തിരിച്ചറിയൽ രേഖകൾ ആവശ്യപ്പെട്ട ശേഷമായിരുന്നു പ്രതികൾ പണം തട്ടിയെടുത്തത്. വഴിയിൽ വെച്ച് പ്രവാസിയെ തടഞ്ഞുനിർത്തിയ പ്രതികൾ തങ്ങൾ നിയമപാലകരാണെന്ന് പരിചയപ്പെടുത്തുകയും ഔദ്യോഗിക രേഖകൾ കാണിക്കാൻ ആവശ്യപ്പെടുകയും ചെയ്തു. തുടർന്ന് ഇയാളുടെ കൈവശമുണ്ടായിരുന്ന 18,000 റിയാൽ ബലമായി പിടിച്ചുവാങ്ങുകയായിരുന്നു.

മസ്‌കത്ത് ഗവർണറേറ്റ് പൊലീസും ഡയറക്ടറേറ്റ് ജനറൽ ഓഫ് ക്രിമിനൽ ഇൻവെസ്റ്റിഗേഷൻസും സംയുക്തമായി നടത്തിയ അന്വേഷണത്തിലാണ് പ്രതികൾ വലയിലായത്. ഇതിൽ രണ്ടുപേരെ ഒമാനിൽ നിന്ന് തന്നെ പിടികൂടി. കൃത്യത്തിന് പിന്നാലെ രാജ്യം വിട്ട മൂന്നാമത്തെ പ്രതിയെ വിദേശരാജ്യത്ത് നിന്നാണ് നാട്ടിലെത്തിച്ച് അറസ്റ്റ് ചെയ്തത്. പിടിയിലായ മൂന്ന് പ്രതികളും ഒരേ ഏഷ്യൻ രാജ്യക്കാരാണെന്ന് പൊലീസ് വ്യക്തമാക്കിയിട്ടുണ്ടെങ്കിലും ഇവരുടെ പേരുവിവരങ്ങളോ ഏത് രാജ്യക്കാരാണെന്നോ വെളിപ്പെടുത്തിയിട്ടില്ല.

TAGS :

Next Story