ഒമാൻ സുൽത്താന്റെ സ്ഥാനാരോഹണ വാർഷികം: ജനുവരി 11 ന് അൽ ഖൗദ് ഡാമിൽ വെടിക്കെട്ട്

മസ്‌കത്ത്: ഒമാൻ സുൽത്താൻ ഹൈതം ബിൻ താരിഖിന്റെ സ്ഥാനാരോഹണ വാർഷികദിനത്തോടനുബന്ധിച്ച് വെടിക്കെട്ട് പ്രഖ്യാപിച്ചു. ജനുവരി 11 ഞായറാഴ്ച രാത്രി 8:00 മണിക്ക് സീബ് വിലായത്തിലെ അൽ ഖൗദ് ഡാമിലാണ് പ്രദർശനം നടക്കുക. ജനറൽ സെക്രട്ടേറിയറ്റ് ഓഫ് നാഷണൽ സെലിബ്രേഷൻസാണ് ഇക്കാര്യം അറിയിച്ചത്.

ദിനത്തോടനുബന്ധിച്ചുള്ള രാജ്യവ്യാപക ആഘോഷങ്ങളുടെ ഭാഗമാണിത്. സുരക്ഷാ, ഗതാഗത മാർഗനിർദേശങ്ങൾ പാലിച്ചുകൊണ്ട് പൊതുജനങ്ങൾക്ക് പരിപാടിയിൽ പങ്കെടുക്കാം.