ഒമാനിൽ വിസ നിയമങ്ങളിൽ സുപ്രധാന മാറ്റം

ഒമാനിൽ വിസ നിയമങ്ങളിൽ വിവിധ മാറ്റങ്ങളുമായി അധികൃതർ. വിസിറ്റിങ്​ വിസയിലോ, ടൂറിസ്റ്റ് വിസയിലോ ഒമാനിൽ ഉള്ളവർക്ക് തൊഴിൽ വിസയിലെക്കോ ഫാമിലി വിസയിലെക്കോ മാറാൻ കഴിയില്ലെന്ന്​ റോയൽ ഒമാൻ പൊലീസ്​ അറിയിച്ചു.

വിസ മാറാൻ ആഗ്രഹിക്കുന്നവർക്ക്​ രാജ്യത്ത്​ നിന്ന്​ പുറത്തുപോയി പുതുക്കേണ്ടി വരും. ബംഗ്ലാദേശ് പൗരന്‍മാര്‍ക്ക് പുതിയ വിസ അനുവദിക്കിക്കുന്നത് താത്കാലികമായി റോയല്‍ ഒമാന്‍ പോലീസ് നിർത്തിവെച്ചിട്ടുണ്ട്​.

ഒക്ടോബർ 31മുതല്‍ നിയമം പ്രാബല്യത്തില്‍ വന്നതായും റോയല്‍ ഒമാന്‍ പോലീസ് അറിയിച്ചു. നിലവില്‍ സുൽത്താനേറ്റിൽ തൊഴില്‍, താമസ വിസകളില്‍ കഴിയുന്ന ബംഗ്ലാദേശികള്‍ക്ക് വിസ പുതുക്കി നല്‍കും. വിസിറ്റ്​ വിസയിലെത്തുന്നവർക്ക്​ നേരത്തെ 50 റിയാല്‍ നല്‍കി ഒമാനിൽ നിന്നു തന്നെ വിസ മാറാന്‍ സാധിച്ചിരുന്നു.