ഇന്ത്യൻ സ്കൂൾ മസ്കത്തിലെ ട്യൂഷൻ ഫീസ് വർധിപ്പിച്ചു

മസ്കത്ത്: ഇന്ത്യൻ സ്കൂൾ മസ്കത്തിലെ ട്യൂഷൻ‌ ഫീസ് വർധിപ്പിച്ച് സർക്കുലർ പുറത്തിറക്കി. 2026- 27 അധ്യായന വർഷം മുതൽ പ്രാബല്യത്തിൽ വരുന്ന രീതിയിൽ കെ.ജി ഒന്നുമുതൽ പന്ത്രണ്ടാം ക്ലാസ് വരെ എല്ലാ ക്ലാസുകളിലെയും മാസ ഫീസീൽ രണ്ടു റിയാൽ വർധനവാണ് സ്കൂൾ മാനേജ്മെന്റ് വർധിപ്പിച്ചത്. സ്കൂളിന്റെ പ്രവർത്തനപരമായ ആവശ്യങ്ങളും വിദ്യാഭ്യാസ നിലവാരവും മെച്ചപ്പെടുത്തുന്നതിന്റെ ഭാ​ഗമായാണ് തീരുമാനമെന്ന് സ്കൂൾ പ്രിൻസിപ്പൽ രാകേഷ് ജോഷി അറിയിച്ചു.

ബോർഡ് ഓഫ് ഡയറക്ടേഴ്സിന്റെ അം​ഗീകരത്തോടെയാണ് ഈ പരിഷ്കാരം നടപ്പാക്കിയതെന്നും പ്രിൻസിപ്പൽ രക്ഷിതാക്കൾക്ക് അയച്ച നോട്ടീസിൽ വ്യക്തമാക്കി. കെ.ജി ഒന്നുമുതൽ മൂന്നാം ക്ലാസ് വരെയുള്ള വിഭാ​ഗങ്ങളിലെ ഫീസ് ഘടന മുൻ ക്ലാസുകളിലേതിന് തുല്യമായി ഏകീകരിക്കാനും തീരുമാനിച്ചിട്ടുണ്ട്. സാമ്പത്തിക ബുദ്ധിമുട്ടുകൾ നേരിടുന്ന രക്ഷിതാക്കൾക്കായി നൽകിവരുന്ന ഫീസ് ഇളവുകളിൽ വർധനവ് വരുത്തും, അതേസമയം ഫീസ് വർധനക്കെതിരെ രക്ഷിതാക്കളിൽ നിന്ന് പ്രതിഷേധമുയരുന്നുണ്ട്.