മസ്‌കത്തിൽ നിന്ന് താഷ്‌കന്റിലേക്ക് നേരിട്ട് പറക്കാം...; ജൂൺ 1 മുതൽ നേരിട്ടുള്ള സർവീസുമായി ഒമാൻ എയർ

മസ്‌കത്ത്: ഉസ്‌ബെക്ക് തലസ്ഥാനമായ താഷ്‌കന്റിലേക്ക് ഒമാൻ തലസ്ഥാനമായ മസ്‌കത്തിൽ നിന്ന് 2026 ജൂണിൽ നേരിട്ടുള്ള വിമാന സർവീസുകൾ ആരംഭിക്കുമെന്ന് ഒമാൻ എയർ. ജൂൺ ഒന്നാം തീയതി മുതലാണ് സർവീസ് ആരംഭിക്കുക. ആഴ്ചയിൽ രണ്ട് സർവീസുകളാണുണ്ടാകുക.

4 മണിക്കൂർ മാത്രം എടുക്കുന്ന ഈ സർവീസ് ടൂറിസത്തിനും ബിസിനസ്സിനുമായി പോകുന്നവർക്ക് ഏറെ സൗകര്യപ്രദമായിരിക്കുമെന്ന് ഒമാൻ എയർ സിഇഒ കോൺ കോർഫിയാറ്റിസ് അഭിപ്രായപ്പെട്ടു. കഴിഞ്ഞ ഡിസംബറിന് ശേഷം കമ്പനി പ്രഖ്യാപിക്കുന്ന എട്ടാമത്തെ ലക്ഷ്യസ്ഥാനമാണിത്.