ഒമാനിൽ പുതിയ വിമാന സർവീസുകൾ, ഡൊമിനിക്കൻ റിപ്പബ്ലിക്, കോസ്റ്റാറിക്ക എന്നീ രാജ്യങ്ങളുമായി വ്യോമയാന കരാറുകൾക്ക് ധാരണ

മസ്കത്ത്: ഒമാനിൽ പുതിയ വിമാന സർവീസുകൾക്ക് ധാരണ. ഡൊമിനിക്കൻ റിപ്പബ്ലിക്, കോസ്റ്റാറിക്ക എന്നീ രാജ്യങ്ങളുമായി പുതിയ വ്യോമയാന സേവന കരാറുകളിൽ ഏർപ്പെടുന്നതിനായി സുൽത്താൻ ഹൈതം രാജകീയ ഉത്തരവുകൾ പുറപ്പെടുവിച്ചു. രാജകീയ ഉത്തരവ് നമ്പർ 109/2025 പ്രകാരം, 2025 നവംബർ 10-ന് പന്റക്കാനയിൽ വെച്ച് ഒമാനും ഡൊമിനിക്കൻ റിപ്പബ്ലിക്കും തമ്മിൽ ഒപ്പുവെച്ച കരാറിന് അംഗീകാരം നൽകി. 110/2025 എന്ന രാജകീയ ഉത്തരവ് അനുസരിച്ച് ഇതേ ദിവസം പന്റക്കാനയിൽ വെച്ച് കോസ്റ്റാറിക്കയുമായി ഒപ്പുവെച്ച കരാറിനും അംഗീകാരം. ഔദ്യോഗിക ഗസറ്റിൽ പ്രസിദ്ധീകരിക്കുമെന്നും പുറപ്പെടുവിച്ച തിയ്യതി മുതൽ ഇവ പ്രാബല്യത്തിൽ വരുമെന്നും സുൽത്താൻ്റെ ഉത്തരവിൽ പറയുന്നുണ്ട്.