Quantcast

ഖത്തറിൽ വാഹന രജിസ്‌ട്രേഷനിൽ വൻ വർധനവ്; കഴിഞ്ഞ വർഷത്തേക്കാൾ 53 ശതമാനം വർധനവുണ്ടായി

ഡ്രൈവിങ് ലൈസൻസ് സ്വന്തമാക്കിയവരുടെ എണ്ണത്തിലും വർധവുണ്ടായിട്ടുണ്ട്

MediaOne Logo

Web Desk

  • Updated:

    2021-10-08 17:43:57.0

Published:

8 Oct 2021 5:40 PM GMT

ഖത്തറിൽ വാഹന രജിസ്‌ട്രേഷനിൽ വൻ വർധനവ്; കഴിഞ്ഞ വർഷത്തേക്കാൾ 53 ശതമാനം വർധനവുണ്ടായി
X

ഖത്തറിൽ പുതിയ വാഹനങ്ങളുടെ രജിസ്​ട്രേഷനിൽ വൻ വര്‍ധനവ്. കഴിഞ്ഞ വര്‍ഷത്തെ അപേക്ഷിച്ച് 53 ശതമാനത്തിന്‍റെ വര്‍ധനവാണ് രേഖപ്പെടുത്തിയത്. പുതിയ ഡ്രൈവിങ് ലൈസന്‍സുകള്‍ അനുവദിക്കുന്നതിലും വര്‍ധനവുണ്ടായിട്ടുണ്ട്. 6984 പുതിയ വാഹനങ്ങളാണ് ഇക്കഴിഞ്ഞ ഓഗസ്റ്റില്‍ ഖത്തറില്‍ രജിസ്റ്റര്‍ ചെയ്തത്. കഴിഞ്ഞ വര്‍ഷത്തെ അപേക്ഷിച്ച് 53 ശതമാനം​ വർധനവാണ് ഈ വര്‍ഷം രേഖപ്പെടുത്തിയത്. ആകെ വാഹന രജിസ്​ട്രേഷൻെറ 66.69 ശതമാനം സ്വകാര്യ വാഹനങ്ങളും 1624 പൊതുട്രാന്‍സ്പോര്‍ട്ട് വാഹനങ്ങളുമാണ് രജിസ്റ്റര്‍ ചെയ്തത്.

സ്വകാര്യ മോ​ട്ടോർ സൈക്കിൾ രജിസ്​ട്രേഷനിലും ഓഗസ്റ്റില്‍ കാര്യമായ വർധനവുണ്ടായി. 412 മോ​ട്ടോർ സൈക്കിളുകളാണ്​ പുതുതായി രജിസ്​റ്റർ ചെയ്​തത്​. വാഹനപ്പെരുക്കം പോലെ ഡ്രൈവിങ്​ ലൈസൻസ്​ സ്വന്തമാക്കിയവരുടെ എണ്ണത്തിലും കാര്യമായ വർധനവുണ്ടായതായി പി.എസ്​.എ റിപ്പോർട്ടിൽ പറയുന്നു.

7791 പുതിയ ഡ്രൈവിങ്​ ലൈസൻസുകളാണ്​ അധികൃതർ അനുവദിച്ചത്. ​ഈ വർഷം ജൂലൈയെക്കാൾ 55.2 ശതമാനം കൂടുതലായി അനുവദിച്ചു. 5020 പേർക്കാണ്​ ജൂലൈയിൽ ലൈസൻസ്​​ നൽകിയത്​. 2020 ഓഗസ്റ്റ്​ മാസത്തേക്കാൾ 99.5 ശതമാനം പേർക്ക്​ കൂടുതലായി ലൈസൻസ്​ നൽകി. അതേമസയം, ഖത്തർ സെൻട്രൽ ബാങ്കിൻെറ കണക്കു പ്രകാരം വാഹന വായ്​പയുടെ തോത്​ ഗണ്യമായി കുറഞ്ഞിട്ടുണ്ട്.


TAGS :

Next Story