കൈപ്പമംഗലം സ്വദേശി ഖത്തറിൽ മരിച്ചു

ദോഹ: തൃശൂർ കൈപ്പമംഗലം സ്വദേശി ഹൃദയാഘാതത്തെ തുടർന്ന് ഖത്തറിൽ മരിച്ചു. കറുകപ്പാടത്ത് ഇത്തിക്കണ്ണൻചാലിൽ(എറിയാട്) നാസർ ആണ് മരിച്ചത്. 50 വയസായിരുന്നു. അൽ ഖോറിൽ ഡ്രൈവറായി ജോലി ചെയ്ത്​ വരികയായിരുന്നു. 30 വർഷത്തിലേറെയായി ഖത്തറിലുള്ള നാസർ തൃശൂർ ജില്ലാ സൗഹൃദ വേദി കൈപ്പമംഗലം ഏരിയ പ്രവർത്തകനാണ്. രാവിലെ ജോലിക്ക് പോകുന്നതിനായി തയാറെടുക്കുന്നതിനിടെ കൂഴഞ്ഞുവീഴുകയായിരുന്നു. ഉടൻ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഭാര്യ: ഷിജി നാസർ. മകൻ: മുഹമ്മദ് ഇർഫാൻ.

മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങൾ പൂർത്തിയാക്കുന്നതായി തൃശുർ ജില്ലാ സൗഹൃദ വേദി പ്രവർത്തകർ അറിയിച്ചു. സഹോദരൻ ജലീൽ ഖത്തറിലുണ്ട്.