പ്രതിപക്ഷം ഒരുമിച്ചിറങ്ങിയാൽ സംഘ്പരിവാർ ഭരണം അവസാനിക്കും: പി.കെ കുഞ്ഞാലിക്കുട്ടി

പ്രതിപക്ഷം ഒരുമിച്ചിറങ്ങിയാൽ സംഘ്പരിവാർ ഭരണം അവസാനിക്കുമെന്ന് പി.കെ കുഞ്ഞാലിക്കുട്ടി. ഇന്ത്യൻ രാഷ്ട്രീയത്തിൽ മാറ്റങ്ങളുണ്ടാകുന്നത് വളരെ പെട്ടെന്നാണ്. ഇതിന്റെ സൂചനകൾ കണ്ടുതുടങ്ങിയെന്നും കുഞ്ഞാലിക്കുട്ടി ദോഹയിൽ പറഞ്ഞു.

ന്യൂനപക്ഷങ്ങൾക്കിടയിൽ തീവ്രവാദവും വർഗീയതയും പ്രചരിപ്പിക്കുന്ന സംഘങ്ങളുട യഥാർത്ഥ ഗുണഭോക്താക്കൾ സംഘപരിവാറാണെന്നും കുഞ്ഞാലിക്കുട്ടി അഭിപ്രായപ്പെട്ടു. പോപ്പുലർ ഫ്രണ്ടിനെ നിരോധിച്ചിട്ടും എസ്.ഡി.പി.ഐക്കെതിരെ നടപടിയെടുക്കാത്തത് സംബന്ധിച്ച ചോദ്യത്തിന് മറുപടി പറയുകയായിരുന്നു അദ്ദേഹം.