സൗദിയിൽ ഷോപ്പിങ് ബാ​ഗുകളിലും, കവറുകളിലും ദൈവനാമങ്ങൾ അച്ചടിക്കുന്നതിന് വിലക്ക്

റിയാദ്: വാണിജ്യ സ്ഥാപനങ്ങൾ ഷോപ്പിങ് ബാ​ഗുകളിലും, കവറുകളിലും, പാക്കിംഗ് സാമഗ്രികളിലും ദൈവനാമങ്ങൾ അച്ചടിക്കുന്നത് വിലക്കി സൗദി വാണിജ്യ മന്ത്രാലയം. ദൈവനാമങ്ങളുടെ പവിത്രത കാത്തുസൂക്ഷിക്കുന്നതിനും അവ അവഹേളിക്കപ്പെടുന്നത് തടയുന്നതിനുമാണ് ഈ തീരുമാനമെന്ന് വാണിജ്യ മന്ത്രാലയ വക്താവ് അബ്ദുറഹ്മാൻ അൽ ഹുസൈൻ വ്യക്തമാക്കി. നേരത്തെ പൊതു സ്ഥാപനങ്ങൾക്ക് പേരിടുമ്പോൾ ദൈവനാമങ്ങൾ ഉപയോഗിക്കുന്നതിന് മന്ത്രാലയം വിലക്കേർപ്പെടുത്തിയിരുന്നു.