ദമ്മാം മാഡ്രിഡ് എഫ്സി സെവൻസ് ടൂർണ്ണമെന്റ് സംഘടിപ്പിക്കുന്നു

ദമ്മാം മാഡ്രിഡ് എഫ്സി സെവൻസ് ഫുട്‌ബോൾ ടൂർണ്ണമെന്റ് സംഘടിപ്പിക്കുന്നു. റിദ മാഡ്രിഡ് സോക്കർ സെവൻസ് എന്ന പേരിലാണ് മത്സരം. ഡിഫക്ക് കീഴിലുള്ള ഇരുപത് ടീമുകൾ ടൂർണ്ണമെന്റിൽ പങ്കെടുക്കും.

റിദ മാഡ്രിഡ് സോക്കർ സെവൻസ് ഫെസ്റ്റിന് ഈ മാസം പതിനഞ്ച് മുതൽ തുടക്കമാകുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. ലഹരി വിരുദ്ധ മുദ്രവാക്യവുമായാണ് ടൂർണ്ണമെന്റ് സംഘടിപ്പിക്കുന്നത്.

ദമ്മാം ഇന്ത്യൻ ഫുട്ബോൾ അസോസിയേഷനിലെ ഇരുപത് ടീമുകളാണ് ടൂർണ്ണമെന്റിൽ പങ്കെടുക്കുന്നത്. നാസർ ആലുങ്ങൽ, സഹീർ മജ്ദാൽ, നാസർ വെള്ളിയത്ത്, ഹാരിസ് നീലേശ്വരം, ഷഫീർ മണലൊടി, അബ്ദുസ്സലാം യു.കെ എന്നിവർ വാർത്താ സമ്മേളനത്തിൽ പങ്കെടുത്തു.