ഗതാഗത മേഖലയിൽ സഹകരണം ശക്തമാക്കാൻ സൗദിയും ഈജിപ്തും

റിയാദ്: ഗതാഗത മേഖലയിലെ സഹകരണം ശക്തമാക്കാൻ സൗദി അറേബ്യയും ഈജിപ്തും. സൗദി ഗതാഗത മന്ത്രി സാലെഹ് അൽ ജാസറും ഈജിപ്ത് ഉപപ്രധാനമന്ത്രി കാമിൽ അൽ വാസിർ എന്നിവരാണ് ധാരണാപത്രത്തിൽ ഒപ്പുവെച്ചത്. ​ഗതാ​ഗത മേഖലയിൽ സംയുക്ത സഹകരണം, പഠനങ്ങൾ, സംയുക്ത ഗവേഷണം എന്നിവ ഇരുരാജ്യങ്ങളും ചേർന്ന് നിർവഹിക്കും. കെയ്‌റോയിൽ നടന്ന അറബ് ഗതാഗത മന്ത്രിമാരുടെ കൗൺസിൽ യോഗത്തിലാണ് ഇത് സംബന്ധിച്ച് ധാരണയായത്.