ജലീൽ ക്യാഷ്​ ആൻഡ്​ കാരി; വിദ്യാഭ്യാസ സ്​കോളർഷിപ്പുകൾ വിതരണം ചെയ്തു

ദുബൈ: ഉയർന്ന മാർക്ക്​ നേടിയ പ്ലസ്​ ടു വിദ്യാർഥികൾക്ക്​ ഉപരിപഠനത്തിനായി ജലീൽ ക്യാഷ്​ ആൻഡ്​ കാരി പ്രഖ്യാപിച്ച വിദ്യാഭ്യാസ സ്കോളർഷിപ്പുകൾ വിതരണം ചെയ്തു. സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ അർഹരായ 25 വിദ്യാർഥികൾക്കാണ്​​ സ്കോളർഷിപ്പുകൾ നൽകിയത്​.

ദുബൈയിലെ ജലീൽ ഹോൾഡിങ്​സ്​ കോർപറേറ്റ്​ ഓഫീസിൽ നടന്ന ചടങ്ങിൽ യൂത്ത്​ ലീഗ്​ സംസ്ഥാന പ്രസിഡന്‍റ്​ മുനവ്വർ അലി ശിഹാബ്​ തങ്ങൾ​ സ്കോളർഷിപ്പുകൾ വിതരണം ചെയ്തു. ഭാവിയിൽ ഉന്നത പദവികൾ അലങ്കരിക്കേണ്ട പുതുതലമുറയെ സാമ്പത്തികമായി പിന്തുണക്കാൻ കഴിയുന്നതിൽ ഏറെ സന്തോഷമുണ്ടെന്ന്​ ജലീൽ ക്യാഷ് ആൻഡ്​ കാരി മാനേജിങ്​ ഡയറക്ടർ സമീർ കെ. മുഹമ്മദ് പറഞ്ഞു. ഭാവിയിൽ കൂടുതൽ പേർക്ക്​ സ്കോളർഷിപ്പുകൾ നൽകാനാണ്​ പദ്ധതിയെന്നും അദ്ദേഹം കൂട്ടിചേർത്തു.

ചടങ്ങിൽ ജലീൽ ക്യാഷ്​ കാരി ചെയർമാൻ എം.വി കുഞ്ഞുമുഹമ്മദ്, ഡോ. സാക്കിർ കെ മുഹമ്മദ്, ഗഫൂർ കെ മുഹമ്മദ്, ഡയറക്ടർമാർ, കുട്ടികളുടെ രക്ഷിതാക്കൾ തുടങ്ങിയവർ പങ്കെടുത്തു. യു.എ.ഇയിലെ ഗ്രോസറി, കഫ്റ്റീരിയ, റെസ്റ്റോറന്‍റ്​ മേഖലയിൽ ജോലി ചെയ്യുന്ന, കുറഞ്ഞ വേദനം പറ്റുന്ന ജീവനക്കാരുടെ മക്കൾ അല്ലെങ്കിൽ സഹോദരങ്ങളെയാണ്​​ സ്കോളർഷിപ്പിനായി തെരഞ്ഞെടുത്തത്​. അരനൂറ്റാണ്ടായി യു.എ.ഇയിലെ ഹോൾസെയിൽ വിപണന രംഗത്ത്​ സജീവ സാന്നിധ്യമാണ്​ ജലീൽ ക്യാഷ്​ ആൻഡ്​ കാരി.