അസുഖത്തെ തുടർന്ന് അബൂദബിയിൽ മലയാളി നിര്യാതനായി

അബൂദബി: അബൂദബിയിൽ ബിസിനസ് നടത്തിവന്ന തൃശൂർ അകലാട് അരുമ്പനയിൽ ജാസിർ (41) നിര്യാതനായി. അസുഖ ബാധിതനായി ചികിത്സയിൽ ആയിരുന്നു. ഗോൾഡൻ ഗ്ലാസ് സ്ഥാപന ഉടമ പരേതനായ അബ്ദുർ റഹ്മാന്റെ മകനാണ്. കുടുംബ ബിസിനസ് നടത്തി വരികയായിരുന്നു. മാതാവ്: മൈമൂന, സഹോദരൻ: ജിഷാദ്, ഭാര്യയും മൂന്ന് മക്കളും അടക്കം അബൂദബിയിൽ സ്ഥിര താമസം ആയിരുന്നു. ബനിയാസ് ഖബർ സ്ഥാനിൽ ഖബറടക്കി. പിതാവ് അബ്ദുർ റഹ്മാൻ കഴിഞ്ഞ വർഷം അബൂദബിയിൽ വെച്ച് മരണപ്പെട്ടിരുന്നു.