അനധികൃത കുടിയേറ്റം ഉടനടി നിർത്താൻ ആവശ്യം; ഇസ്രായേലിനെതിരായ രക്ഷാസമിതി പ്രമേയം തിങ്കളാഴ്​ച പരിഗണിക്കും

അധിനിവിഷ്​ട ഫലസ്തീൻ പ്രദേശങ്ങളിലെ അനധികൃത കുടിയേറ്റം ഉടനടി അവസാനിപ്പിക്കാൻ ഇസ്രായേലിനോട്​ ആവശ്യപ്പെടുന്ന പ്രമേയം യു.എൻ രക്ഷാസമിതി തിങ്കളാഴ്ച പരിഗണിക്കും. 1967 മുതലുള്ള സ്​റ്റാറ്റസ്​കോ നിലനിർത്തണമെന്നും ഫലസ്​തീൻ ​പ്രദേശങ്ങളിലെ അനധികൃത കുടിയേറ്റം അന്താരാഷ്​ട്ര നിയമങ്ങളോടുള്ള വെല്ലുവിളിയാണെന്നും പ്രമേയം കുറ്റപ്പെടുത്തുന്നു. കിഴക്കൻ ജറൂസലം ഉൾപ്പെടെയുള്ള കേന്ദ്രങ്ങളിൽ അനധികൃത കുടിയേറ്റം വ്യാപിപ്പിക്കാൻ നെതന്യാഹു സർക്കാർ പദ്ധതികൾ ആവി്​ഷകരിച്ച ഘട്ടത്തിലാണ്​യു.എൻ രക്ഷാസമിതിയുടെ പുതിയ ഇടപെടൽ. പതിനഞ്ചംഗ യുഎൻ രക്ഷാസമിതി പ്രമേയത്തിന്​ അനുകൂലമായി വോട്ട്​ ചെയ്യുമെന്നാണ്​ പ്രതീക്ഷ. ​

വെസ്​റ്റ്​ ബാങ്കിലും മറ്റും പരമാവധി രാജ്യങ്ങളുടെ പിന്തുണ ലഭിക്കാൻ അറബ്​ ലീഗിനു കീഴിൽ ശക്തമായ പ്രവർത്തനം തുടരുകയാണ് കുടിയേറ്റ പദ്ധതിക്കെതിരെ യൂറോപ്യൻ രാജ്യങ്ങൾ എതിർപ്പ്​ പ്രകടിപ്പിച്ചിരുന്നു. പുതിയ സ്​ഥിതിഗതികളിൽ യു.എസ്​ സ്​റ്റേറ്റ്​ സെക്രട്ടറി ആൻറണി ബ്ലിൻകനും ആശങ്ക പ്രകടിപ്പിച്ചു. 2016ൽ ഇസ്രായേലിനെതി​രെ യു.എൻ രക്ഷാ സമിതി പാസാക്കിയ പ്രമയത്തിൽ നിന്ന്​ അമേരിക്ക വിട്ടുനിൽക്കുകയായിരുന്നു. അമേരിക്കയുടെ വീറ്റോ തങ്ങൾക്ക്​ തുണയാകുമെന്ന പ്രതീക്ഷയിലാണ്​ ഇസ്രായേലിനെ നെതന്യാഹു സർക്കാർ.