യു.എ.ഇയിൽ ദേശീയദിന അവധി പ്രഖ്യാപിച്ചു
ഡിസംബർ ഒന്ന് ബുധൻ മുൽ വെള്ളി വരെയാണ് ഔദ്യോഗിക അവധി ദിനങ്ങൾ. എന്നാൽ വാരാന്ത്യ അവധിയായ ശനിയാഴ്ച കൂടി ചേരുന്നതോടെ നാലുദിവസത്തെ അവധി ലഭിക്കും.
അമ്പതാം ദേശീയ ദിനാഘോഷത്തോടനുബന്ധിച്ച് യു.എ.ഇയിലെ പൊതു-സ്വകാര്യ മേഖലകളിൽ ജോലി ചെയ്യുന്ന ജീവനക്കാർക്ക് നാലുദിവസത്തെ അവധി ലഭിക്കും. ഡിസംബർ ഒന്ന് ബുധൻ മുതൽ വെള്ളി വരെയാണ് ഔദ്യോഗിക അവധി ദിനങ്ങൾ. എന്നാൽ വാരാന്ത്യ അവധിയായ ശനിയാഴ്ച കൂടി ചേരുന്നതോടെ നാലു ദിവസത്തെ അവധി ലഭിക്കും.
ഫെഡറൽ അതോറിറ്റി ഫോർ ഗവൺമെന്റ് ഹ്യൂമൻ റിസോഴ്‌സ് ആണ് സർക്കാര്‍ ജീവനക്കാരുടെ അവധി ഔദ്യോഗികമായി പ്രഖ്യാപിച്ചത്. ഹ്യൂമൻ റിസോഴ്‌സസ് ആൻഡ് എമിറേറ്റൈസേഷൻ മന്ത്രാലയമാണ് സ്വകാര്യ മേഖലയിലെ ജീവനക്കാരുടെ അവധി അറിയിച്ചത്.
രാജ്യത്തെ സ്വകാര്യ മേഖലയിലെ സ്ഥാപനങ്ങളിലും കമ്പനികളിലും ജോലി ചെയ്യുന്ന എല്ലാ ജീവനക്കാർക്കും ശമ്പളത്തോടുകൂടിയ മൂന്നുദിവസം അവധി ലഭിക്കുമെന്ന് മന്ത്രാലയം വാർത്താകുറിപ്പിൽ അറിയിച്ചു. വാരാന്ത്യ അവധിയായ ശനിയാഴ്ച കൂടി ചേരുമ്പോള്‍ സ്വകാര്യ മേഖലക്കും നാലുദിവസം ലഭിക്കും.
അതിനിടെ, സുവർണജൂബിലി ആഘോഷം കെങ്കേമമാക്കാനുളള തയാറെടുപ്പുകളാണ് രാജ്യത്തുടനീളം പുരോഗമിക്കുന്നത്. ദുബൈ ഹത്തയിലാണ് ഡിസംബർ രണ്ടിന് വൈകീട്ട് പ്രധാന ആഘോഷ പരിപാടി അരങ്ങേറുക. എല്ലാ എമിറേറ്റുകളിലും വിവിധ പരിപാടികളും നടക്കും.
Adjust Story Font
16
