യുഎഇയില്‍ തൊഴിൽരഹിത വേതനം ജനുവരി ഒന്നുമുതൽ പ്രാബല്യത്തില്‍ വരും

യുഎഇയിൽ തൊഴിൽ നഷ്ടപ്പെടുന്നവർക്ക്​ ഏർപ്പെടുത്തിയ ഇൻഷുറൻസ്​ പദ്ധതി പുതുവർഷദിനമായ മറ്റന്നാൾ മുതൽ പ്രാബല്യത്തിൽ. ജീവനക്കാർക്ക്​ ക്ഷേമം ഉറപ്പാക്കുകയെന്ന ലക്ഷ്യത്തോടെയാണ്​ യുഎ.ഇ നിയമം കൊണ്ടുവന്നത്​. ജോലി നഷ്ടപ്പെട്ടാൽ മൂന്നു മാസം വരെ ശമ്പളത്തി​ന്റെ 60 ശതമാനം ലഭിക്കും എന്നതാണ്​ പദ്ധതിയുടെ പ്രത്യേകത.

ജീവനക്കാരുടെ അംശാദായം കൂടി ഉൾപ്പെടുത്തിയ ഇൻഷുറൻസ്​ പദ്ധതിയാണിത്​. ജീവനക്കാർക്ക്​ മാസം 5 ദിർഹം പ്രീമിയം അടച്ച്​ പദ്ധതിയുടെ ഭാഗമാകാം. പൊതു, സ്വകാര്യ മേഖലയിലെ സ്വദേശികൾക്കും വിദേശികൾക്കും പദ്ധതിയുടെ ഭാഗമാകാം. രണ്ടു വിധത്തിലാണ്​ ഇൻഷുറൻസ്​ പദ്ധതി. 16,000 ദിർഹത്തിനു മുകളിൽ അടിസ്​ഥാന ശമ്പളമുള്ളവർക്ക്​ മാസം പത്തോ വർഷത്തിൽ 120 ദിർഹമോ നൽകി പദ്ധതിയിൽ ചേരാം. മൂന്നു മാസം കൂടു​മ്പോൾ ഒരുമിച്ച്​ പ്രീമിയം അടക്കാനും സൗകര്യമുണ്ട്​. ഇൻഷുറൻസ്​ തുക ജീവനക്കാർ തന്നെയാണ്​ നൽകേണ്ടത്​.പതിനാറായിരം ദിർഹത്തിനു ചുവടെ ശമ്പളമുള്ളവർക്ക്​ പ്രതിമാസം പതിനായിരം ദിർഹമാണ്​ ഇൻഷുറൻസായി ലഭിക്കുക. പതിനാറായിരത്തിനു മുകളിലുള്ളവർക്ക്​ പരമാവധി ഇതുപതിനായിരം ദിർഹം ലഭിക്കും. അടിസ്​ഥാന ശമ്പളത്തി​ന്‍റെ 60 ശതമാനമാണ്​ ഇൻഷുറൻസായി ഗണിക്കുക. മൂന്നു മാസം വരെ മാത്രമേ ഇൻഷുറൻസ്​ ആനുകൂല്യം കിട്ടൂ. അതിനു മു​മ്പെ പുതിയ ജോലി ലഭിച്ചാലും തുക ലഭിക്കില്ല. ജോലി നഷ്​ടപ്പെട്ട്​ ഒരു മാസത്തിനുള്ളിൽ ക്ലെയിമിനായി അപേക്ഷിക്കണം.