ഹൃദയത്തെവരെ ബാധിക്കാം; കൊളസ്ട്രോൾ കുറയ്ക്കാൻ സഹായിക്കുന്ന ഭക്ഷണങ്ങൾ ഇവയാണ്

ഇന്ത്യയിലെ ഭൂരിപക്ഷം മരണത്തിനും വൈകല്യത്തിനും പ്രധാന കാരണം ഹൃദയ സംബന്ധമായ അസുഖങ്ങളാണെന്നാണ് 2023-ൽ പ്രസിദ്ധീകരിച്ച ലാൻസെറ്റ് പഠനത്തിൽ പറയുന്നത്. Cardiovascular Disease അഥവാ സിവി‍ഡി മറ്റ് പല രാജ്യങ്ങളിലെയും ആളുകളേക്കാൾ നേരത്തെ ഇന്ത്യക്കാരിൽ കണ്ടുവരുന്നു എന്നാണ് പഠനങ്ങൾ പറയുന്നത്.

ഹൃദയത്തിൻ്റെ ആരോഗ്യവുമായി ബന്ധപ്പെട്ട് കാരണങ്ങളിൽ ഒന്നാണ് ഉയർന്ന കൊളസ്ട്രോളിൻ്റെ അളവ്. ബ്രിട്ടീഷ് ഹാർട്ട് ഫൗണ്ടേഷന്റെ അഭിപ്രായത്തിൽ , കൊളസ്ട്രോൾ ഹൃദയാഘാതം അല്ലെങ്കിൽ പക്ഷാഘാത സാധ്യത ഗണ്യമായി വർധിപ്പിക്കുന്നു. വർധിച്ചുവരുന്ന അപകട സാധ്യത ലഘൂകരിക്കുന്നതിന് ഏറ്റവും പ്രധാനപ്പെട്ട ഘടകങ്ങളിലൊന്നാണ് ഭക്ഷണക്രമമാണ്. കൊളസ്ട്രോൾ കാരണമുള്ള പ്രശ്നങ്ങൾ, ഇന്ത്യൻ ജനസംഖ്യയുടെ 81 ശതമാനത്തിലധികം പേരെയും ബാധിക്കുന്നു. ഡിസ്ലിപിഡീമിയ എന്നാണ് പലരും ഇതിനെ വിളിക്കുന്നത്. ഈ അവസ്ഥ മിക്കവാറും നിശബ്ദമാണ് എന്നത് തന്നെ കാരണം. ഉയർന്ന കൊളസ്ട്രോൾ ഹൃദയ സംബന്ധമായ അസുഖങ്ങൾക്ക് കാരണമാകുന്നു.

നാരുകൾ അടങ്ങിയ ഭക്ഷണം, ആരോഗ്യകരമായ കൊഴുപ്പുകൾ, സസ്യാധിഷ്ഠിത ഭക്ഷണങ്ങൾ എന്നിവ ഉപയോ​ഗിക്കുകയും സാറ്റുറേറ്റഡ് (‍പൂരിത) കൊഴുപ്പിൻ്റെ അളവ് കുറയ്ക്കുകയും ചെയ്യുന്നത് കൊളസ്ട്രോൾ കുറയ്ക്കുന്നതിനും ദീർഘകാല ഹൃദയാരോഗ്യം നിലനിർത്തുന്നതിനും കാരണമാകും.

ഓട്‌സും തവിടുകൂടിയ ധാന്യങ്ങളും: ലയിക്കുന്ന നാരുകളാൽ സമ്പന്നമായ ഓട്‌സ്, ബാർലി, സമാനമായ ധാന്യങ്ങൾ എന്നിവ കൊളസ്‌ട്രോളിൽ നിന്ന് സംരക്ഷണം നൽകും.

പയർവർഗ്ഗങ്ങൾ: നാരുകൾ കൂടുതലും സാവധാനത്തിൽ ദഹിക്കുന്നതുമാണ്. പയർവർഗ്ഗങ്ങൾ കൊളസ്ട്രോൾ കുറയ്ക്കുന്നതിനോടൊപ്പം, ഭാരം നിയന്ത്രിക്കുന്നതിനും സഹായിക്കുന്നു

പഴങ്ങളും പച്ചക്കറികളും: ആപ്പിൾ, മുന്തിരി, സിട്രസ് പഴങ്ങൾ, വഴുതനങ്ങ, വെണ്ടക്ക എന്നിവയിൽ പെക്റ്റിൻ പോലുള്ള ലയിക്കുന്ന നാരുകൾ അടങ്ങിയിട്ടുണ്ട്, ഇത് എൽഡിഎൽ (ലോ-ഡെൻസിറ്റി ലിപ്പോപ്രോട്ടീൻ) കുറയ്ക്കുന്നു

നട്സ്: ബദാം, വാൽനട്ട്, നിലക്കടല എന്നിവയിൽ ആരോഗ്യകരമായ കൊഴുപ്പുകളും പോഷകങ്ങളും നിറഞ്ഞിരിക്കുന്നു, ഇത് എൽഡിഎൽ കുറയ്ക്കുകയും ഹൃദയാരോഗ്യത്തെ സഹായിക്കുകയും ചെയ്യുന്നു.

ആരോഗ്യകരമായ എണ്ണകൾ: ഒലിവ്, സൂര്യകാന്തി, കനോല തുടങ്ങിയ സസ്യ എണ്ണകൾ ഉപയോ​ഗിക്കുന്നത് ഉപകാരം ചെയ്യും

കൊഴുപ്പുള്ള മത്സ്യം: ഒമേഗ-3 ഫാറ്റി ആസിഡുകൾ അടങ്ങിയ സാൽമൺ, അയല, സാർഡിൻ മത്സ്യങ്ങൾ ട്രൈഗ്ലിസറൈഡുകൾ കുറയ്ക്കുന്നതിലൂടെ ഹൃദയാരോഗ്യത്തെ പിന്തുണയ്ക്കുന്നു.

ഒഴിവാക്കേണ്ടവ

ചുവന്നതും സംസ്കരിച്ചതുമായ മാംസങ്ങൾ - കൊഴുപ്പുകളാൽ സമ്പന്നമായ ഇവ ഉയർന്ന എൽഡിഎൽ കൊളസ്ട്രോളിന്റെ ഏറ്റവും വലിയ ഉറവിടങ്ങളിൽ ഒന്നാണ്.

കൊഴുപ്പ് കൂടിയ പാലുൽപ്പന്നങ്ങളും ബേക്ക് ചെയ്ത ഭക്ഷണങ്ങളും: ഈ ഭക്ഷണങ്ങൾ മറഞ്ഞിരിക്കുന്ന കൊഴുപ്പുകളുടെ സാധാരണ ഉറവിടങ്ങളാണ്