അഖിലേന്ത്യാ മെഡിക്കൽ പ്രവേശനം; ഒബിസി വിഭാഗത്തിന് 27 ശതമാനം സംവരണം നടപ്പാക്കി കേന്ദ്രസർക്കാർ
5500 വിദ്യാർഥികൾക്കായിരിക്കും സംവരണത്തിന്റെ ആനുകൂല്യം ലഭിക്കുക
അഖിലേന്ത്യാ മെഡിക്കൽ പ്രവേശനത്തിന് സംവരണം നടപ്പാക്കി കേന്ദ്രസർക്കാർ. ഒബിസി വിഭാഗത്തിന് 27 ശതമാനവും. മുന്നോക്കക്കാരിലെ പിന്നാക്കക്കാർക്ക് 10 ശതമാനവുമാണ് സംവരണം ഏർപ്പെടുത്തിയത്. ഡിഗ്രിയിലും പിജിയിലും സംവരണം ബാധകമാകും.
5500 വിദ്യാർഥികൾക്കായിരിക്കും സംവരണത്തിന്റെ ആനുകൂല്യം ലഭിക്കുക. ആകെ മെഡിക്കൽ സീറ്റുകളിൽ 15 ശതമാനമാണ് അഖിലേന്ത്യ ക്വാട്ടയായി നൽകുന്നത്. ഈ സീറ്റുകളിലാണ് സംവരണം ബാധകമാവുക.
സാമൂഹ്യനീതിയിൽ വലിയ മാറ്റങ്ങൾ സംവരണം മൂലം ഉണ്ടാകുമെന്ന് പ്രധാനമന്ത്രി നരേന്ദ്ര മോദി പറഞ്ഞു. ചരിത്രപരമായ തീരുമാനമാണ് കേന്ദ്രസർക്കാർ എടുത്തതെന്ന് ആരോഗ്യമന്ത്രാലയവും പ്രതികരിച്ചു.
Next Story
Adjust Story Font
16