ദുരിതാശ്വാസത്തിന് എം എ യൂസുഫലി അഞ്ച് കോടി നൽകും

പ്രളയം നാശം വിതച്ച കേരളത്തിലെ ദുരിതാശ്വാസ പ്രവര്‍ത്തനങ്ങള്‍ക്കായി ലുലു ഗ്രൂപ്പ് ചെയര്‍മാന്‍ എം എ യൂസുഫലി അഞ്ച് കോടി രൂപ പ്രഖ്യാപിച്ചു. തുക മുഖ്യമന്ത്രിയുടെ ദുരിതാശ്വാസഫണ്ടിലേക്ക് കൈമാറുമെന്ന് അദ്ദേഹം അറിയിച്ചു. മുഖ്യമന്ത്രി പിണറായി വിജയനുമായി നടത്തിയ ടെലഫോണ്‍ സംഭാഷണത്തിലാണ് യൂസുഫലി ധനസഹായം അറിയിച്ചത്.