റവന്യൂ, വനം വകുപ്പുകള്ക്കെതിരെ രൂക്ഷ വിമര്ശവുമായി എ കെ ബാലന്
റവന്യൂ, വനം വകുപ്പുകള്ക്കെതിരെ രൂക്ഷ വിമര്ശവുമായി എ കെ ബാലന്
ബിനോയ് വിശ്വവും കെ പി രാജേന്ദ്രനും സ്വീകരിച്ച നിലപാടുകള് നിലവിലെ റവന്യൂ, വനം മന്ത്രിമാരും സ്വീകരിക്കണമെന്ന് എ കെ ബാലന് പറഞ്ഞു
പാലക്കാട് കടപ്പാറ ആദിവാസി ഭൂസമരവുമായി ബന്ധപ്പെട്ട് റവന്യൂ, വനം വകുപ്പുകള്ക്കെതിരെ രൂക്ഷ വിമര്ശവുമായി മന്ത്രി എ കെ ബാലന്. ബിനോയ് വിശ്വവും കെ പി രാജേന്ദ്രനും സ്വീകരിച്ച നിലപാടുകള് നിലവിലെ റവന്യൂ, വനം മന്ത്രിമാരും സ്വീകരിക്കണമെന്ന് എ കെ ബാലന് പറഞ്ഞു. പാവങ്ങളെ മാവോയിസ്റ്റുകളാക്കുകയാണ് ചില ഉദ്യോഗസ്ഥരെന്നും എ കെ ബാലന് പാലക്കാട് പറഞ്ഞു.
ഒരു വര്ഷമായി പാലക്കാട് കടപ്പാറയിലെ 22 ആദിവാസി കുടുംബങ്ങള് പ്രദേശത്തെ സര്ക്കാര് ഭൂമിയില് കുടില് കെട്ടി സമരത്തിലാണ്. ഇടത് സര്ക്കാര് അധികാരത്തില് വന്നതിന് ശേഷം മന്ത്രി എ കെ ബാലന് ഇടപെട്ട് ആദിവാസികള്ക്ക് ഭൂമി പതിച്ച് നല്കാന് തീരുമാനിച്ചെങ്കിലും സിപിഐ മന്ത്രിമാരുടെ വകുപ്പുകളായ വനം, റവന്യൂ വകുപ്പുകള് ഇതിന് അനുകൂല നിലപാട് സ്വീകരിക്കുന്നില്ല. ഇതാണ് മന്ത്രി എ കെ ബാലനെ പ്രകോപിപിച്ചത്.
കടപ്പാറ സമരവുമായി ബന്ധപ്പെട്ട് മുഖ്യമന്ത്രിക്ക് നിവേദനം നല്കാന് വടക്കാഞ്ചേരിയില് നടന്ന ഗദ്ദിക ആദിവാസി കലാമേളയിലെത്തിയ ആദിവാസികളെ പോരാട്ടം പ്രവര്ത്തകരെന്ന് പറഞ്ഞ് പൊലീസ് കസ്റ്റഡിയിലെടുത്തിരുന്നു. ഇതിനെയും എ കെ ബാലന് വിമര്ശിച്ചു. ഡിഎഫ്ഒയുടെ തെറ്റായ റിപ്പോര്ട്ട് തള്ളിക്കളയണമെന്ന് ആവശ്യപ്പെട്ട് കെ ഡി പ്രസേനന് എംഎല്എയുടെ നേതൃത്വത്തില് സിപിഎം നെന്മാറ ഡിഎഫ്ഒ ഓഫീസിലേക്ക് മാര്ച്ച് നടത്തിയിരുന്നു.
Adjust Story Font
16