സ്വർണപ്പാളി വിവാദം ഫലപ്രദമായ ഏജൻസിയെ നിയോഗിച്ച് അന്വേഷിക്കണം: എം.വി ഗോവിന്ദൻ

തിരുവനന്തപുരം: സ്വർണപ്പാളി വിവാദം ഫലപ്രദമായ ഏജൻസിയെ നിയോഗിച്ച് അന്വേഷിക്കണമെന്ന് സിപിഎം. ആഗോള അയ്യപ്പ സംഗമത്തിന് തൊട്ട് മുമ്പാണ് ആരോപണം ഉയർന്നതെന്നും എല്ലാ വിഷയങ്ങളും അന്വേഷണത്തിൽ വരണമെന്നും സിപിഎം സംസ്ഥാന സെക്രട്ടറി എം.വി ഗോവിന്ദൻ പറഞ്ഞു.

ആരോപണം ഉന്നയിച്ചത് അന്വേഷണം നേരിടുന്ന ഉണ്ണികൃഷ്ണൻ പോറ്റിയാണ്. ആ​ഗോള അയ്യപ്പ സം​ഗമത്തിന് തൊട്ടുമുൻപ് പരിപാടി അലങ്കോലപ്പെടുത്താൻ സാധിക്കുന്നതരത്തിൽ ഊഹാപോഹം എന്ന നിലയിലാണ് പ്രചരിപ്പിക്കപ്പെട്ടത്. പരാതി ഉന്നയിച്ച പോറ്റി നടത്തിക്കൊണ്ടിരിക്കുന്ന നിരവധി ചെയ്തികൾ ഇപ്പോൾ ഉയർന്നുവരുന്നുണ്ട്. എല്ലാം ആരോപണങ്ങളും ഫലപ്രദമായ ഏജൻസിയെക്കൊണ്ട് അന്വേഷിക്കണമെന്നും എം.വി ​ഗോവിന്ദൻ വാർത്താ സമ്മേളനത്തിൽ പറഞ്ഞു.

ആർഎസ്എസിന്റെ പ്രചരണ ഉപാധിയായി കേന്ദ്ര സർക്കാരിനെ മാറ്റുന്നുവെന്ന് എം.വി​ ഗോവിന്ദൻ പറഞ്ഞു. ആർഎസ്എസിന്റെ നൂറാം വാർഷികത്തിന്റെ ഭാഗമായി സ്റ്റാമ്പും നാണയവും പുറത്തിറക്കിയത്, രാജ്യത്തിന്റെ മതനിരപേക്ഷതയെ ചോദ്യം ചെയ്യുന്നതാണെന്നും അദ്ദേഹം കൂട്ടിച്ചേർത്തു.