വ്യാജ യുപിഐ ആപ്പ് ഉപയോഗിച്ച് തട്ടിപ്പ്; കൊച്ചിയിൽ അഞ്ചുപേർ അറസ്റ്റിൽ

എറണാകുളം: കൊച്ചി കളമശ്ശേരിയിൽ വ്യാജ യുപിഐ ആപ്പ് ഉപയോഗിച്ച് നടത്തിയ തട്ടിപ്പിൽ അഞ്ചുപേർ അറസ്റ്റിൽ. കൊയിലാണ്ടി, തിരുവനന്തപുരം സ്വദേശികളാണ് അറസ്റ്റിലായത്. റൂബിൻ രാജ്, മുഹമ്മദ് അനസ്, ഹജ്സൽ അമീൻ, വിശാഖ്, ലുവാന എന്നിവരാണ് പിടിയിലായത്.

വ്യാജ പെയിമെൻ്റ് ആപ്പ് ഉപയോ​ഗിച്ച് കളമശ്ശേരി, ഇടപ്പള്ളി മേഖലയിലെ വിവിധ കടകളിലാണ് തട്ടിപ്പ് നടത്തിയത്. സൗത്ത് കളമശ്ശേരിയിലെ ഹോട്ടൽ ഉടമയാണ് പരാതിയുമായി രം​ഗത്തെത്തിയത്. പിന്നീട് വ്യാപാരി സം​ഘംടനകൾ വഴിയുള്ള അന്വേഷണത്തിലാണ് കൂടുതൽപേർ തട്ടിപ്പിനിരയായത് പുറത്തറിഞ്ഞത്.

സിസിടിവി ദൃശ്യങ്ങളുടെ അടിസ്ഥാനത്തിൽ പ്രതികളെ തിരിച്ചറിയുകയായിരുന്നു.