പ്രവാസികൾക്കായി ലോക കേരള കേന്ദ്രങ്ങൾ; പദ്ധതിക്ക് പ്രാഥമികമായി അഞ്ചു കോടി

തിരുവനന്തപുരം: പ്രവാസികൾക്കായി ലോക കേരള കേന്ദ്രങ്ങൾ എന്ന ആവശ്യം പരിഗണിക്കുമെന്ന് ധനമന്ത്രി കെ.എൻ ബാലഗോപാൽ. ഈ പദ്ധതിക്ക് പ്രാഥമികമായി അഞ്ചു കോടി രൂപ അനുവദിക്കും. പ്രവാസം ഒട്ടേറെ പേർക്ക് നഷ്ടക്കച്ചവടമാകുന്നുണ്ട്. ഈ മേഖലയിൽ വലിയ ബോധവൽക്കരണ പ്രവർത്തനം ഏറ്റെടുക്കുമെന്നും ധനമന്ത്രി അറിയിച്ചു.

സംസ്ഥാനത്തെ ധനസ്ഥിതി മെച്ചപ്പെട്ടുവെന്ന് ബാലഗോപാൽ പറഞ്ഞു. കേരള സമ്പദ്ഘടന അതിവേഗ വളർച്ചയിലാണ്. ആഭ്യന്തര ഉൽപാദനം മെച്ചപ്പെട്ടു. ധനം ഞെരുക്കം മറച്ചുവെക്കാൻ അല്ല അത് ജനങ്ങളുമായി പറഞ്ഞു പോകാനാണ് ശ്രമിച്ചതെന്നും ധനമന്ത്രി വ്യക്തമാക്കി.