എലത്തൂരിൽ എ.കെ ശശീന്ദ്രൻ മത്സരിക്കും; എന്‍സിപി സ്ഥാനാര്‍ഥികളായി

കോഴിക്കോട്: എലത്തൂരിൽ എ.കെ ശശീന്ദ്രൻ എൽഡിഎഫ് സ്ഥാനാർഥി. എൻസിപി ദേശീയ നേതൃത്വമാണ് സ്ഥാനാർഥിത്വം പ്രഖ്യാപിച്ചത്. ശശീന്ദ്രൻ്റെ സ്ഥാനാർഥിത്വത്തിനെതിരെ ഉയർന്നു വന്ന പ്രതിഷേധം പരിഗണിച്ചില്ല. കുട്ടനാട്ടിൽ തോമസ് കെ. തോമസ് സ്ഥാനാർഥിയാകും. മലപ്പുറം ജില്ലയിൽ കോട്ടയ്ക്കല്‍ മണ്ഡലത്തിലായിരുന്നു നേരത്തെ എന്‍സിപി മത്സരിച്ചിരുന്നത്. എന്നാല്‍ ഇത്തവണ മലപ്പുറം മണ്ഡലത്തിലാണ് മത്സരിക്കുന്നത്. കെ ടി. മുജീബാണ് മലപ്പുറത്തെ എന്‍സിപി സ്ഥാനാര്‍ഥി.

എലത്തൂരിൽ പാർട്ടി തന്നെ നിയോഗിച്ചതിൽ വളരെ സന്തോഷമുണ്ടെന്ന് എ.കെ ശശീന്ദ്രൻ പറഞ്ഞു. മൂന്നുനാല് സ്ഥാനാർഥികളുടെ പേര് ഉയർന്നു വന്നതായും അതിൽ കേന്ദ്ര കമ്മിറ്റി തന്നെ സ്ഥാനാർഥിയാക്കിതായും ശശീന്ദ്രൻ.

വിജയ സാധ്യത തന്നെയാണ് മാനദണ്ഡമാക്കിയത്. എലത്തൂരിലും കുട്ടനാട്ടിലും എൻസിപി വിജയിക്കും. മലപ്പുറത്ത് ശക്തമായ പോരാട്ടം കാഴ്ചവയ്ക്കാൻ കഴിയുമെന്നും ശശീന്ദ്രൻ.